Isaya

61 Spiritu yaYehova Mwanta Wabadika yidi hadi ami,+

Muloña Yehova wanwayishili kulonda nishimuni nsañu yayiwahi kudi antu amwovu.+

Wantemesheli nakukasa nyichima yachikeka,

Nakubidika kudi ankoli nsañu yakuyisubula

Nikutonesha chikupu mesu awatuyili,*+

 2 Nakubidika mwaaka waYehova wayuma yayiwahi

Niifuku dakutenda kwaNzambi yetu,+

Nakukundeja ejima anakudila,+

 3 Nakukwasha antu anakumudila Ziyona,

Nakuyinka chibañula bayi mawutiku,

Manji akuzañalesha bayi kudilaku,

Chakuvwala chakuhameka bayi spiritu yakudihombaku.

Nawa akayitena nawu nyitondu yamaneni yakuloña,

Yatumbiliyi Yehova, kulonda alemeshewi.*+

 4 Akatuñulula yuma yakushankulu yakisika dehi;

Akanyamuna maluña ashalili mahembi kunyaaka,+

Nawa akawahisha nyisumba yajilumukili,+

Maluña ashalili mahembi hamakiñu amavulu.+

 5 “Antu iwabula kwiluka akenza nakubiña nyikanka yayimuna yeyi,

Nawa añiinza+ akekala andimi jeyi niakakukalakala anyivinyu.+

 6 Ilaña enu akayitena nawu atupristu aYehova;+

Akayitena nawu akakukalakala aNzambi yetu.

Mwakada maheta anyuza,+

Nawa mwakadivwimbila mukulema* kwawu.

 7 Chatela mutiyi nsonyi mwakekala namaseka ayedi,

Nawa chatela ekali asawuka akabidika namuzañalu muloña wamaseka awu.

 8 Muloña ami, Yehova, nakeña wuñanji;+

Nahela wukombi nikubula kuloña.+

Nakayinka wufwetu wawu wejima,

Nawa nakatiyañana nawu chitiyañenu chahaya nyaaka.+

 9 Anyanawu* akayiluka mukachi kanyuza+

Niyisaka yawu akayiluka mukachi kawantu.

Ejima akayimona akayiluka,

Nawu hiyanyana* anakiswiliwu kudi Yehova.”+

Muloña nanvwiki yakuvwala yawamwinu;+

Nampombeki munkukumba* wakuloña,

Neyi kalemba chadipombekañayi chitambala neyi chakapristu,+

Nawa neyi kankaña chadiwahishañayi nayuma yindi yakudikudeka.

11 Neyi chameneshaña iseki yuma yamenañahu

Nawa neyi chatutwishaña itempa yuma yiyanatumbimu,

NiYehova Mwanta Wabadika

Dichakatutwishayi kuloña nikushimeka+ kumesu anyuza yejima.