Yoshuwa

21 Dichi, anlomboli anyitaña yawaLevi enjili kudi kapristu Eleyazari,+ kudi Yoshuwa mwana kaNuni nikudi anlomboli jayisaka yanyichidi yawaIsarela yakukatata yawu. 2 Ahosheli nawena muShilo+ mwituña daKenani nawu: “Yehova washimwini kuhitila mudi Mosi nindi atwinki nyisumba yakushakamamu hamu nimaluña ayu akudiishilamu yimuna yetu.”+ 3 Dichi kwesekeja nachashimwiniyi Yehova, aIsarela enkeli aLevi iyi nyisumba+ nimaluña ayu akudiishilamu yimuna kufuma hawuswana wawu.+

4 Chinjikijilu chenjili hayisaka yawaKohati,+ nawa aLevi adiña anyana kakapristu Aroni ayinkeli nyisumba 13 kuzatisha chinjikijilu kufuma kumuchidi waYuda,+ kumuchidi waSimiyoni+ nikumuchidi waBenjamini.+

5 Nawa aKohati ashalilihu, ayinkeli* nyisumba 10 kufuma kuyisaka yamuchidi waEfuremu,+ kumuchidi waDani nikuchibalu chamuchidi waManasi.+

6 Nawa aGeshoni+ ayinkeli nyisumba 13 kufuma kuyisaka yamuchidi waIsakari, kumuchidi waAsheri, kumuchidi waNafitali nikuchibalu chamuchidi waManasi muBashani.+

7 AMerari+ kwesekeja nayisaka yawu, ayinkeli nyisumba 12 kufuma kumuchidi waRubeni, kumuchidi waGadi nikumuchidi waZebuluni.+

8 Dichi, aIsarela enkeli aLevi iyi nyisumba hamu nimaluña ayu akudiishilamu yimuna kuzatisha chinjikijilu, neyi chashimwiniyi Yehova kuhitila mudi Mosi.+

9 Dichi kufuma kumuchidi waYuda nikumuchidi waSimiyoni, ayinkeli iyi nyisumba yinateniwu hamajina,+ 10 nawa anyana kaAroni awamayala akuyisaka yawaKohati ahadi aLevi ayinkeli iyi nyisumba, muloña chinjikijilu chatachi chaholokeleli hadi wena. 11 Ayinkeli Kiriyati Ariba+ (Ariba wadiña tata yaAnaki), yowu Hebironi,+ mwiluña damapidi daYuda hamu nimaluña awunyeñumukili akudiishilamu yimuna. 12 Ilaña Kalebu mwana kaYafuna amwinkeli mpata yamusumba hamu ninyikala yayu kulonda yiikali iheta dindi.+

13 Nawa anyana kakapristu Aroni awamayala, ayinkeli musumba mwakuswama muntu wunajahañani,+ dikwila nawu, Hebironi+ hamu nimaluña awu akudiishilamu yimuna, niLibina+ hamu nimaluña awu akudiishilamu yimuna, 14 Yatiri+ hamu nimaluña awu akudiishilamu yimuna, Eshitemoya+ hamu nimaluña awu akudiishilamu yimuna, 15 Holoni+ hamu nimaluña awu akudiishilamu yimuna, Debiri+ hamu nimaluña awu akudiishilamu yimuna, 16 Ayini+ hamu nimaluña awu akudiishilamu yimuna, Yuta+ hamu nimaluña awu akudiishilamu yimuna niBetishemeshi hamu nimaluña awu akudiishilamu yimuna. Nyisumba 9 kufuma kuniyi nyichidi yiyedi.

17 Kumuchidi waBenjamini kwafumini: Gibeyoni+ hamu nimaluña awu akudiishilamu yimuna, Geba hamu nimaluña awu akudiishilamu yimuna,+ 18 Anatoti+ hamu nimaluña awu akudiishilamu yimuna niAlimoni hamu nimaluña awu akudiishilamu yimuna. Nyisumba yiwana.

19 Nyisumba yejima yayinkeliwu atupristu amuchisaka chaAroni, yadiña nyisumba 13 hamu nimaluña ayu akudiishilamu yimuna.+

20 Nawa yisaka yawaKohati yashalilihu hakachi kawaLevi ayinkeli nyisumba kuzatisha chinjikijilu kufuma kumuchidi waEfuremu. 21 Ayinkeli musumba waShekemi+ hamu nimaluña awu akudiishilamu yimuna mwiluña damapidi daEfuremu mwakuswama muntu wunajahañani.+ Ayinkeli niGezeri+ hamu nimaluña awu akudiishilamu yimuna, 22 Kibizayimi hamu nimaluña awu akudiishilamu yimuna niBetihoroni+ hamu nimaluña awu akudiishilamu yimuna. Nyisumba yiwana.

23 Kumuchidi waDani kwafumini: Eliteki hamu nimaluña awu akudiishilamu yimuna, Gibetoni hamu nimaluña awu akudiishilamu yimuna, 24 Ayiyaloni+ hamu nimaluña awu akudiishilamu yimuna, Gati Rimoni hamu nimaluña awu akudiishilamu yimuna. Nyisumba yiwana.

25 Nawa kuchibalu chamuchidi waManasi kwafumini: Tayanaki+ hamu nimaluña awu akudiishilamu yimuna niGati Rimoni hamu nimaluña awu akudiishilamu yimuna.

26 Nyisumba yejima hamu nimaluña ayu akudiishilamu yimuna yatambwilili yisaka yawaKohati ashalilihu, yadiña 10.

27 Nawa aGeshoni+ amuchisaka chawaLevi atambwilili Golani+ muBashani, mwakuswama muntu wunajahañani hamu nimaluña awu akudiishilamu yimuna, kufuma kuchibalu chamuchidi waManasi. Atambwilili niBeyeshitera hamu nimaluña awu akudiishilamu yimuna. Nyisumba yiyedi.

28 Nawa kumuchidi waIsakari+ kwafumini: Kishiyoni hamu nimaluña awu akudiishilamu yimuna, Daberati+ hamu nimaluña awu akudiishilamu yimuna, 29 Yarimuti hamu nimaluña awu akudiishilamu yimuna niEnganimi hamu nimaluña awu akudiishilamu yimuna. Nyisumba yiwana.

30 Kumuchidi waAsheri+ kwafumini: Mishali hamu nimaluña awu akudiishilamu yimuna, Abidoni hamu nimaluña awu akudiishilamu yimuna, 31 Helikati+ hamu nimaluña awu akudiishilamu yimuna niRehobi+ hamu nimaluña awu akudiishilamu yimuna. Nyisumba yiwana.

32 Kumuchidi waNafitali kwafumini: musumba waKedeshi+ muÑaliliya hamu nimaluña awu akudiishilamu yimuna mwakuswama muntu wunajahañani.+ Kwafumini niHamoti Dori hamu nimaluña awu akudiishilamu yimuna niKaritani hamu nimaluña awu akudiishilamu yimuna. Nyisumba yisatu.

33 Nyisumba yejima yawaGeshoni kwesekeja nayisaka yawu yadiña nyisumba 13 hamu nimaluña ayu akudiishilamu yimuna.

34 Nawa yisaka yawaMerari+ yashalilihu hadi aLevi, yatambwilili kufuma kumuchidi waZebuluni:+ Yokineyami+ hamu nimaluña awu akudiishilamu yimuna, Karita hamu nimaluña awu akudiishilamu yimuna, 35 Dimina hamu nimaluña awu akudiishilamu yimuna niNahalali+ hamu nimaluña awu akudiishilamu yimuna. Nyisumba yiwana.

36 Kumuchidi waRubeni kwafumini: Bezeri+ hamu nimaluña awu akudiishilamu yimuna, Yahazi hamu nimaluña awu akudiishilamu yimuna,+ 37 Kedemoti hamu nimaluña awu akudiishilamu yimuna niMefayati hamu nimaluña awu akudiishilamu yimuna. Nyisumba yiwana.

38 Kumuchidi waGadi+ kwafumini: musumba mwakuswama muntu wunajahañani, dikwila nawu, Ramoti muGiliyadi+ hamu nimaluña awu akudiishilamu, Mahanayimi+ hamu nimaluña awu akudiishilamu yimuna, 39 Heshiboni+ hamu nimaluña awu akudiishilamu yimuna niYazeri+ hamu nimaluña awu akudiishilamu yimuna. Yejima hamu yadiña nyisumba yiwana.

40 Nyisumba yejima yenkeliwu aMerari kwesekeja nayisaka yawu, dikwila nawu yisaka yawaLevi yashalilihu, yadiña nyisumba 12.

41 Nyisumba yejima yawaLevi yafumini heheta dawaIsarela yadiña nyisumba 48 hamu nimaluña ayu akudiishilamu yimuna.+ 42 Musumba wejima wahaniyi nyisumba wadiña namaluña awunyeñumukili akudiishilamu yimuna. Ichi dichadiña iyi nyisumba yejima.

43 Dichi Yehova wayinkeli aIsarela ituña dejima dasanyikiliyi kuyinka ankakulula jawu,+ aditambwili diikali iheta dawu nawa atachikili kushakamamu.+ 44 Kubombelahu, Yehova wayinookesheli kutubadi twejima neyi chasanyikiliyi kudi ankakulula jawu,+ nawa kwosi chilumbu chawu hela wumu wahadi ayilumbu jawu ejima watwesheli kuyishindaku.+ Yehova wayinkeli ayilumbu jawu ejima mumakasa awu.+ 45 Kwosi chikaninu* nichimu hayikaninu yayiwahi yejima yakaniniyi Yehova amwitala daIsarela chabulili kushikijewaku; yejima yashikijeweli.+