Yoshuwa
19 Kuhiñahu, chinjikijilu chamuchiyedi+ chenjili hadi Simiyoni, dikwila nawu hamuchidi waSimiyoni+ kwesekeja nayisaka yawu. Nawa wuswana wawu wadiña hakachi kawuswana waYuda.+ 2 Wuswana wawu wadiña Beyerisheba+ hamu naSheba, Molada,+ 3 Hazari Shuwali,+ Bala, Ezemi,+ 4 Elitoladi,+ Betuli, Horima, 5 Zikilagi,+ Betimakaboti, Hazari Susa, 6 Betilebayoti+ niSharuheni. Nyisumba 13 hamu ninyikala yayu; 7 Ayini, Rimoni, Eteri niAshani.+ Nyisumba yiwana hamu ninyikala yayu; 8 nawa nyikala yejima yanyeñumukili iyi nyisumba kushika kuBayalatibeyeri ndo-o nikuRama wakukabeta kakuchidiilu. Iwu diwadiña wuswana wamuchidi waSimiyoni kwesekeja nayisaka yawu. 9 Wuswana wawanyana kaSimiyoni awufumishili hachibalu champata yaYuda, muloña chibalu champata yaYuda chayitoheleli chikupu. Dichi, anyana kaSimiyoni atambwilili iheta kufuma hawuswana wawu.+
10 Chinjikijilu chamuchisatu+ chenjili hadi anyana kaZebuluni+ kwesekeja nayisaka yawu, nawa ñinza yawuswana wawu yayili nakushika kuSaridi. 11 Ñinza yawu yakandukili nakuya kukabadi kakumujika kuMareyali nawa yashikili kuDabesheti ndo-o nikuchinekineki* kumbidi yaYokineyami. 12 Iyi ñinza yafumini kukabadi kakumusela waSaridi kwaselelaña itena nakuya kuñinza yaChisiloti Tabori nakushika kuDaberati+ ndo-o nikuYafiya. 13 Nawa kufuma kweniku, yatwalekelihu kuya kukabadi kakumusela nakushika kuGati Hefweri,+ kuEtikazini nakushika nikuRimoni ndo-o nikuNeya. 14 Nawa iyi ñinza yanyeñumukili Rimoni kukabeta kakuchimunswa nakuya kuHanatoni nawa yakuminini kuchinekineki chaIfitaheli, 15 niKatati, Nahalali, Shimironi,+ Idala niBetelemi.+ Nyisumba 12 hamu ninyikala yayu. 16 Iwu diwadiña wuswana wawanyana kaZebuluni kwesekeja nayisaka yawu.+ Iyi diyadiña nyisumba hamu ninyikala yayu.
17 Chinjikijilu chamuchiwana+ chaholokeleli hadi Isakari,+ dikwila nawu hadi anyana kaIsakari kwesekeja nayisaka yawu. 18 Nawa ñinza yawu yadiña Yezireyeli,+ Kesuloti, Shunemi,+ 19 Hafarayimi, Shiyoni, Anaharati, 20 Rabiti, Kishiyoni, Ebezi, 21 Remeti, Enganimi,+ Enihada niBetipazezi. 22 Nawa iyi ñinza yashikili kuTabori,+ kuShahazuma nikuBetishemeshi nawa ñinza yawu yakuminini kuYodani. Nyisumba 16 hamu ninyikala yayu. 23 Iwu diwadiña wuswana wamuchidi waIsakari kwesekeja nayisaka yawu,+ nyisumba hamu ninyikala yayu.
24 Kuhiñahu, chinjikijilu chamuchitanu+ chenjili hamuchidi waAsheri+ kwesekeja nayisaka yawu. 25 Nawa ñinza yawu yadiña Helikati,+ Hali, Beteni, Akishafi, 26 Alameleki, Amadi niMishali. Yashikili kukabadi kakumujika kuKarimeli+ nikuShihori Libinati, 27 nawa yafuntili kumusela kuBetidagoni nawa yashikili kuZebuluni nikuChinekineki chaIfitaheli kukabeta kakuchimunswa, nakuya kuBetemeki nikuNeyeli ndo-o nikuKabuli kuchimunswa, 28 nawa yayili kuEbironi, kuRehobi, kuHamoni nikuKana ndo-o nikuSidoni Muneni.+ 29 Nawa iyi ñinza yafuntili kuRama ndo-o nikumusumba wakiñewa waTira.+ Kufumahu, iyi ñinza yafuntili kuHosa nawa yakuminini kukaluñalwiji mwiluña daAkizibi, 30 daUma, daAfeki+ nidaRehobi.+ Nyisumba 22 hamu ninyikala yayu. 31 Iwu diwadiña wuswana wamuchidi waAsheri kwesekeja nayisaka yawu.+ Iyi diyadiña nyisumba hamu ninyikala yayu.
32 Chinjikijilu chamu 6+ chenjili hadi anyana kaNafitali, wowu anyana kaNafitali kwesekeja nayisaka yawu. 33 Ñinza yawu yatachikilili kuHelefi, kufuma mumutondu weneni muZayananimi+ nakuhita kuAdaminekebi nikuYabineyeli ndo-o nikuLakumi nawa yakuminini kuYodani. 34 Nawa ñinza yeniyi yafuntili kukabadi kakumujika kuAzinoti Tabori nawa yafumini kwenoku nakuya kuHukoku nawa yashikili kuZebuluni kukabeta kakuchidiilu nakushika kuAsheri kumujika ndo-o nikuYuda kuYodani, mbadi yakumusela. 35 Nawa nyisumba yakiñewa yadiña Zidimi, Zeri, Hamati,+ Rakati, Kinereti, 36 Adamahi, Rama, Hazori,+ 37 Kedeshi,+ Edireyi, Enihazori, 38 Yironi, Migidali Eli, Horemi, Betanati niBeti Shemeshi.+ Nyisumba 19 hamu ninyikala yayu. 39 Iwu diwadiña wuswana wamuchidi waNafitali kwesekeja nayisaka yawu,+ nyisumba hamu ninyikala yayu.
40 Chinjikijilu chamu 7+ chenjili hamuchidi waDani+ kwesekeja nayisaka yawu. 41 Nawa ñinza yawuswana wawu yadiña Zora,+ Eshitayoli, Irishemeshi, 42 Shayalabini,+ Ayiyaloni,+ Itila, 43 Eloni, Timina,+ Ekironi,+ 44 Eliteke, Gibetoni,+ Bayalati, 45 Yehudi, Beneberaki, Gati Rimoni,+ 46 Meyakoni niRakoni hamu nañinza yatalisha kuYopa.+ 47 Ilaña iluña daDani dayikeheleli chikupu.+ Dichi akandukili nakuya nakuzuña njita namusumba waLeshemi+ nawa awulukukili nakuwutapa nampoku yakabali. Kuhiñahu, awutambwili nakutachika kushakamamu nawa awuhimpili ijina daLeshemi nakuwutuumba nawu Dani, ijina dankakulula yawu Dani.+ 48 Iwu diwadiña wuswana wamuchidi waDani kwesekeja nayisaka yawu. Iyi diyadiña nyisumba hamu ninyikala yayu.
49 Dichi amanishili kupula maluña anodu ituña kulonda ekali wuswana wawu. Kuhiñahu, aIsarela amwinkeli Yoshuwa mwana kaNuni wuswana mukachi kawu. 50 Amwinkeli musumba walombeliyi kwesekeja nachahosheliyi Yehova. Amwinkeli Timinati Sera+ mwiluña damapidi daEfuremu nawa watuñili musumba nakushakamamu.
51 Iwu diwuswana wahanini+ kapristu Eleyazari, Yoshuwa mwana kaNuni nianlomboli janyitaña yanyichidi yawaIsarela kuShilo+ kumesu aYehova kuzatisha chinjikijilu, hawiñililu wakwitenti dakubulakena.+ Dichi amanishili kwanzañana ituña.