Masamu

145 Nukukutuumbakesha, eyi Nzambi yami Mwanta,+

Nukushimekaña ijina deyi haya nyaaka nanyaaka.+

 2 Nukukushimekaña mpinji yejima;+

Nukushimekaña ijina deyi haya nyaaka nanyaaka.+

 3 Yehova himuneni nawa watela kushimekewa chikupu;+

Hitunateli kwiluka kutoha kwindi kwabadikaku.+

 4 Makiñu ejima akashimeka nyidimu yeyi;

Akahosha hanyidimu yeyi yañovu.+

 5 Akahosha hañovu jeyi chijekala jakuhayamisha+

Nawa nukutoñojokaña chikupu hanyidimu yeyi yakuhayamisha.

 6 Akahosha hanyidimu yeyi yakutiyisha woma,*

Nawa nakashimuna kutoha kweyi.

 7 Mazu awu akushimeka akasefuka neyi kaseloki hakanukañawu kuwaha kweyi kwasweja,+

Nawa akadikuwa namuzañalu muloña wakuloña kweyi.+

 8 Yehova wukweti wushona* niluwi,+

Hazuwaña swayiku nawa wukweti kukeña kwakashinshi kwabadika.+

 9 Yehova himuwahi kudi ejima,+

Nawa luwi lwindi lwamwekenaña munyidimu yindi yejima.

10 Nyidimu yeyi yejima yikakulemesha, eyi Yehova,+

Nawa antu jeyi ashinshika akakushimeka.+

11 Akashimuna hakulema kwawanta weyi+

Nawa akahosha hañovu jeyi,+

ל [Lamedi]

12 Kulonda nyidimu yeyi yañovu ayiluki kudi antu+

Nilubanji lwasweja lwawanta weyi.+

13 Wanta weyi hiwanta wahaya nyaaka nanyaaka,

Nawa chiyuulu cheyi chikatwalekahu mwakahita makiñu ejima.+

14 Yehova wakwashaña ejima anakudimbuka+

Nawa wanyamunaña ejima anafukami.+

15 Mesu ejima atalaña kudi eyi nakuchiñeja;

Wayinkaña yakuda muchilaaka chayu.+

16 Wakamununaña muchikasa cheyi

Kulonda wikutishi yuma yejima yayumi nayuma yakeñañawu.+

17 Yehova waloña munjila jindi jejima+

Nawa washinshika muyuma yejima yelañayi.+

18 Yehova wudi kwakwihi nanowu ejima anakumutambika,+

Nanowu ejima anakumutambika muchalala.+

19 Wekutishaña ejima amutiyaña woma nayuma yakeñañawu;+

Watiyaña kudila kwawu kwakulomba wukwashu, nawa wayipulwishaña.+

20 Yehova wahembaña ejima amukeña,+

Ilaña antu atama ejima wakayijilumuna.+

21 Kanwa kami kakahosha kushimekewa kwaYehova;+

Yuma yejima yayumi* yishimekeña ijina dindi dajila haya nyaaka nanyaaka.+