Masamu

28 Yeyi inatambikaña, eyi Yehova ilola dami;+

Bayi wundiwulaku.

Neyi wukuñakula wanyi,

Nukwikala neyi antu anakukunkumukila mwibuku.*+

 2 Tiyaku kulemba kwami neyi nikulomba wukwashu

Hampinji yinnanyamuni makasa ami nakutalisha kukapeka kamukachi chikupu kamwiluña deyi dajila.+

 3 Bayi wuntulumwina hamu nawantu atamaku, nanowu elaña yuma yafwana,+

Owu ahoshaña mazu akuwunda nawakwawu antu henohu munyichima yawu mudi jatama.+

 4 Yifweti hanyidimu yawu,+

Kwesekeja nanyidimu yatama yakoñañawu.

Yifweti hamudimu wakumakasa awu,

Kwesekeja nayuma yinakoñiwu.+

 5 Muloña hiyashaña maana kunyidimu yaYehovaku,+

Hela kumudimu wakumakasa indiku.+

 6 Yehova ashimekewi,

Muloña natiyi kulemba kwami kwakulomba wukwashu.

 7 Yehova diyi ñovu yami+ nawa nkebu yami;+

Muchima wami wamukuhwelela yena.+

Nankwashi, nawa muchima wami wunazañalali,

Dichi nukumushimeka nakamina kami.

 8 Yehova diyi ñovu yawantu jindi;

Diyi iluña dakiñewa, waletaña wamwinu wabadika kudi windi wawayishewa.+