Kamina kaSolomoni

7 “Nyendu yeyi ochiyasweja lubanji neyi yidi munkwabilu jeyi,

Eyi mwana wamumbanda walema!

Lubanji lwamakata eyi ludi neyi lubanji lwayuma yakudikudeka,

Yatuñawu namakasa amukawukalawenu welukisha chikupu.

Ivumu deyi himulumba watidiku,

Wunanyeñumukiwu kudi nkenu.

 3 Mayeli eyi ayedi adi neyi anyana kakapaala ayedi,

Ampamba akapaala.+

Mesu eyi+ adi neyi majiya amuHeshiboni,+

Ekala kuyiisu yaBatirabimi.

Muzulu weyi wudi neyi kaposhi kakuLebanoni,

Katalisha kuDamakasa.

 5 Mutu weyi walubanji neyi Mpidi yaKarimeli,+

Nawa nsuki jeyi*+ jidi neyi wanda wawusombu.+

 6 Ochiwasweja lubanji, nawa ochiwawaha,

Eyi nkeñi yami, kubadika yuma yejima yasweja kuwaha!

 7 Chiiminu cheyi chidi neyi mutondu wamukoma,

Nawa mayeli eyi adi neyi yizokofu yanyikaabu yanyikoma.+

 8 Nahoshi nami, ‘Nukukandama mutondu wamukoma

Kulonda nikwati kunyitayi yawu yikweti nyikaabu.’

Mayeli eyi ekali neyi yizokofu yanyivinyu,

Muuya weyi neyi ivumba dadiwahi damaapo,

 9 Nawa kanwa* keyi neyi vinyu yasweja kuwaha.”

“Yihiteña chiwahi hamudiwu wawami wahamuchima,

Neyi chiyahitaña chiwahi hanyivumbu yawantu anakaami.

10 Ami nidi wambala wawami wahamuchima,+

Nawa yena wantoñaña.

11 Eyi wami wahamuchima, inzaku,

Twaya tuyi mwisaña;

Tuyi nakushakama mukachi kanyitondu yahena.+

12 Tuhinduki nantetemena nankashi tuyi mumatempa anyivinyu

Nakumona neyi muvinyu wunasapuki,

Neyi wuluya wunakenuki,+

Neyi nyitondu yamapomegiranati yinakenuki.+

13 Mamandiraki+ anakwepuka ivumba dadiwahi;

Kuyiisu yetu kudi nyichidi yejima yanyikaabu yayiwahi.+

Nyikaabu yayiha niyayikulu,

Nakuhembeliyu, eyi wami wahamuchima.