Masamu

Kudi mukulumpi wawañimbi. Masikilu.* DaDavidi, helili Dowegi mwini Edomi enzi nakuleja Sawulu nindi Davidi wenza kwitala daAhimeleki.+

52 Muloñadi chiwadivwimbilaña hayilwilu yeyi yatama, eyi mukañovu?+

Kukeña kwaNzambi kwakashinshi kwekalañaku mpinji yejima.+

2 Idimi deyi, datwa neyi reza,+

Dafuukulaña jatama nawa dadimbanaña.+

3 Eyi wakeña yatama kubadika yayiwahi,

Wakeña kutwamba chatela wuhosheña yuma yalala. (Sela)

4 Wakeña izu dejima datama,

Eyi idimi dadimbanaña!

5 Dichakaletesha Nzambi akakunati heseki lwejima;+

Wakakuhukula nakukutabolela hahalehi netenti deyi;+

Wakakubwita nakukufumisha mwituña mwashakamaña antu.+ (Sela)

6 Aloña akadimwena chumichi nawa akahayama chikupu,+

Nawa akamuseha.+

7 “Talenu iwu muntu wabulili kumwilisha Nzambi kwikala chiswamu chindi,*+

Ilaña wakuhweleleli mumaheta indi amavulu+

Nawa washindameneni hatufuta* twindi twatama.”*

8 Ilaña ami nakekala neyi mutondu wamuolivi wawuwahi mwitala daNzambi;

Nakuhwelela mukukeña kwaNzambi kwakashinshi,+ haya nyaaka nanyaaka.

9 Nukukushimekaña haya nyaaka muloña wunakoñihu chuma;+

Hamesu awantu jeyi ashinshika,

Nukuchiñejaña mwijina deyi,+ muloña dadiwahi.