Yoba

30 “Ichi ansehaña+

—Amayala anyinki hadi ami,

Akweti atata jawu inakaaninini

Kwikala hamu natuwa twahembeleña yimuna yami.

 3 Nzala niyuma yakeñañawu yinayizeyeshi;

Atiyaña kutama muloña weseki dominina

Odu dakisiliwu nakudishiya kwamahembi hohu.

 4 Apompeshaña mafu amuñwa mumasaña;

Nawa adaña nyiji yalula yayiputa.

 5 Ayitemuna muchituñilu;+

Antu ayikuwaña neyi chinateli kukuwawu ikombi.

 6 Ashakamaña kunyikunkumuki yanyihoñi,*

Mumeena ahamaseki nimumalola.

 7 Adililaña mumasaña

Nawa adipompeshaña hakachi kakanyuñi.

 8 Kufwana anyana kawantu abula maana nawa abula majina,

Anayihañi* mwituña.

 9 Ilaña ichi anakunseha nimutumina twawu;+

Nekali chuma chakuseha* kudi wena.+

10 Antiyaña wuzondu nawa emenaña hahalehi nanami;+

Hiyashintajalaña kunfwijila kumesuku.+

11 Muloña wakwila Nzambi nanfwomoni* nawa nankeheshi,

Anatilaña nyonji yejima* hamesu ami.

12 Anyamukilaña kuchidiilu neyi izanvu;

Antuukishaña

Nikujika njila yami.

13 Akisañanaña njila jami

Nikuletesha makabi ami kuswejelaku,+

Chakadi muntu niwumu wakuyilekesha.*

14 Enzaña neyi kwiji anakuhanuka mwipwata didi hambañu;

Enzaña kwiluña kudi kujilumuka.

15 Woma wankwataña;

Kulema kwami anakwendeshi neyi mpepela,

Nawa wamwinu wami wajimañanaña neyi ivu.

16 Ichi keña nifwi;+

Mafuku amakabi+ ananwani.

17 Nawufuku, mafwaha ami ayeñaña chikupu;*+

Nawa kuyeña hikwamanañaku.+

18 Chakuvwala chami anachikoki nañovu chikupu;

Neyi kunshiñu yachakuvwala chami, chankamaña.

19 Nzambi nannatili mumalowa;

Nañilishi kwikala neyi lunkuñu nimawuti.

20 Nakudililaña nami wunkwashi, ilaña hiwañakulañaku;+

Nemanaña, ilaña wantalaña hohu.

21 Wunambalumukilimu chikupu;+

Wunankatishi nañovu jejima jakuchikasa cheyi.

22 Wannyamunaña nikunsenda nampepela;

Kuhiñahu wanzuyilaña munvula yampepela.*

23 Muloña neluki nami wakanshikija kukufwa,

Kwitala oku kwakadibulakenawu ejima amomi.

24 Ilaña kwosi muntu wakamweta muntu wunaneñi*+

Hanakukeñayi wukwashu mumpinji yindi yayihuñuku.

26 Hela chakwila nakeñeleña yayiwahi, kwamwekeni yatama;

Nakeñeleña chejeji, ilaña kwenjili mwidima.

27 Mwivumu dami himwalekeli kuyeñaku;

Mafuku ayihuñu anwanini.

29 Nekali mana kwanyumbu

Nawa ibwambu dawanyana kanyamalanda.+

30 Ikowa dami dineyili nawa dinowuki;+

Mafwaha ami anahi nakutaata.*

31 Kadada kami nakizatishaña hohu kudila nachu,

Niipeleli* dami dazatikaña kukundeja nachu anakudila.