Masamu

12 Ñamwini, eyi Yehova, muloña kwosi cheñi muntu washinshikaku;

Antu ashinshika ananooñi hakachi kawantu.

 2 Ahoshaña makudi wumu namukwawu;

Atwambaña nanyivumbu* yawu nawa ahoshaña nanyichima* yakudimbana.+

 3 Yehova wakaketula nyivumbu yejima yatwambaña

Niidimi dadivwimbaña chikupu,+

 4 Ana ahoshaña nawu: “Twakashinda namadimi etu.

Twazatishaña nyivumbu yetu kwesekeja nachitunakeñi;

Hinyi wunateli kwikala mwanta wetu?”+

 5 “Muloña antu anakukabakana anakuyikabisha,

Muloña wakwaaba kwawatuzweñi,+

Nakanyamuka nakukoñahu chuma,” dichinahoshiyi Yehova.

 6 Mazu aYehova atooka;+

Adi neyi siliva yakweñunwina muluteñu lwewumba,* yakweñununa mapampa 7.

 7 Wakayihemba, eyi Yehova;+

Wakakiña muntu-himuntu hakachi kawu kufuma hanidi ikiñu haya nyaaka.

 8 Antu atama endaña chakadi wakuyikañesha

Muloña anyana kawantu atiyakeshaña yuma yatama.+