KAMINA KASOLOMONI
1 Kamina kaSolomoni kabadika tumina twejima kuwaha:+
3 Ivumba damanji eyi dadiwahi.+
Ijina deyi didi neyi ivumba damanji anahuñununiwu.+
Dimuloña waweni wakukeñelawu kudi ayañadima.
4 Nsendi;* twaya tutemuki.
Mwanta nanyiñiji mutupeka twindi twamukachi!
Twaya tuzañalali nikutiyila hamu kuwaha.
Twaya tuhameki* kukeña kuwamwekeshaña kubadika vinyu.
Mwamweni akukeña* nankashi.
5 Enu anyana kaYerusalema awambanda, nidi wiyila, ilaña nekala walubanji,
6 Bayi wuntala chatama muloña wakwila nidi wiyilaku,
Muloña itena didinañochi.
Amanakwami, anyana kamama awamayala anhililili;
Antondeli kwikala mukakuhemba matempa anyivinyu,
Ilaña itempa dami danyivinyu hinadihembeliku.
7 Eyi nkeñi yami inakeña nankashi, nleji,
Kuwadiishilaña nyikoku yeyi,+
Kuwayitwalaña nakunookela neyi itena dinashiki dehi mwiwulu.
Muloñadi chinukumwekena neyi mumbanda anabutiwu kadihina* kumesu
Hakachi kanyikanka yanyikoku yawalunda neyi?”
8 “Eyi mumbanda walubanji kubadika ambanda ejima, neyi wuneluki wanyi,
Yaña wulondeli munyikonu yamukanka wanyikoku
Nawa diishilaku anyana kampembi jeyi kukamwihi namatenti awatubiña.”
9 “Nkeñi yami, nakufwanishi nakawalu kamukaji kadi mumakalu aFwaru.+
10 Mabuta eyi anakumwekana chiwahi nayuma yiwunadikudeki,
Nshiñu yeyi yakukudeka wusaña.
11 Tukukutuñila yuma yakudikudeka yawuru
Kwakusha siliva.”
13 Wami wahamuchima, kudi ami wudi neyi ipakumuna damanji amora evumba dadiwahi+
Dekalaña hakachi kamayeli ami wufuku wejima.
14 Wami wahamuchima, kudi ami wudi neyi chizokofu chankenu yahena+
Chidi hakachi kamatempa avinyu yakuEngedi.”+
15 “Tiyaña! Eyi nkeñi yami, wudi walubanji.
Tiyaña! Wudi walubanji. Mesu eyi adi neyi atupompa.”*+
16 “Tiyaña! Eyi nkeñi yami, wudi walubanji nawa wamuwahi chikupu.+
Kadidi ketu kadi hamafu.
17 Nyalachi yetala* detu yanyisida,
Masokelu etala detu anyitondu yanyinjunga.
2 “Neyi nkenu hakachi kanyiña,
Dichidiyi nkeñi yami hakachi kawanyana awambanda.”
3 “Neyi mutondu waapo wudi hakachi kanyitondu yamwivunda,
Dichidiyi niwami wahamuchima hakachi kawanyana awamayala.
Nafwilaña chikupu kushakama muwulelu windi,
Nawa mukaabu windi watowala hakuwida.
4 Wanleteli mwitala dachawija,*
Nawa mpandela yindi yadiña hewulu dami hikukeña.
6 Chikasa chindi chachimunswa chidi heshina damutu wami,
Nawa chikasa chindi chachidiilu chinankumbati.+
7 Enu anyana kaYerusalema awambanda, nayisanyikishi,
Natupaala+ ninanyikaji yawambaala amumasaña nami:
Bayi muvundula hela kusañumuna kukeña mudi amiku, sampu ami aweni nakutiyi.+
8 Natiyi wami wahamuchima nakwinza!
Talaña! Iwu wukwinza,
Nakukandama jimpidi, nakukiloka tupidi.
9 Wami wahamuchima wudi neyi kapaala, hela neyi mwana kankayi.+
10 Wami wahamuchima nakuhosha, nakuñila nindi:
‘Eyi nkeñi yami, imanaku,
Eyi wami walubanji, twaya tuyi hamu nanami.
11 Talaña! Chilaaka chanvula chinahiti dehi.
Nvula yinaketuki dehi nawa yinayi.
12 Wuluya wunakenuki dehi mwituña,+
Mpinji yakukunkula yinashiki,+
Nawa kamina kakateela kanatiyakani mwituña detu.+
13 Mutondu wachikuyu nahishi dehi yikuyu yindi yatachi;+
Nyivinyu yinakenuki dehi nawa yinakwepuka ivumba dayu.
Eyi nkeñi yami, nyamukaku, twaya.
Eyi wami walubanji, twaya tuyi hamu nanami.
14 Eyi kambolu kami, wudi munyaji yamwilola,+
Wudi kunsa kwakweni kwanyuña,
Inakukeña kukumona nikutiya izu deyi,+
Muloña izu deyi dadiwahi nawa wamwekanaña chachiwahi.’”+
15 “Tukwatili nyumbu,
Nyana kanyumbu yakisañanaña matempa etu anyivinyu,
Muloña matempa etu anyivinyu anakenuki dehi.”
16 “Wami wahamuchima wami, nawa ninami nidi windi.+
17 Neyi kunawundi* dehi nawa nyevulu yinajimañani,
Eyi wami wahamuchima, funtaku swayi.
Neyi kapaala+ hela mwana kankayi+ wudi hampidi jinatwambuli.*
Namukeñakeña, ilaña namuwana wanyi.+
2 Nukuhinduka nakuhitañana mumusumba;
Munyikwakwa nimumalubanza amusumba,
Nayi nimukeñakeñi wami inakeña.*
Namukeñakeñeli, ilaña namuwanini wanyi.
3 Anhembi adiña nakuhitañana mumusumba anwanini.+
Nawa nayihwili nami: ‘Munammwenihu wami inakeña wanyi?’*
4 Chinayipandakeni tuhu chanti
Namuwanini wami inakeña.*
Namukwatili, namuumbiliku wanyi
Sampu nichinamuleteli mwitala damama yami,+
Mukapeka kamukachi kayena wañimitili.
5 Enu anyana kaYerusalema awambanda, nayisanyikishi,
Natupaala ninanyikaji yawambaala amumasaña nami:
Bayi muvundula hela kusañumuna kukeña mudi amiku, sampu ami aweni nakutiyi.”+
6 “Chumanyi achina chinakufuma mwisaña chinakumwekana neyi yishimi yawishi,
Chinasansiwu manji amora nimanaña evumba dadiwahi,
Niyuma yejima yawuña yamavumba amawahi yawakakulanda nakulandulula?”+
7 “Talaña! Hichipoya* chaSolomoni.
Anachinyeñumuki kudi amayala añovu 60,
Ahadi amayala añovu amuIsarela,+
8 Wejima wawu anadimanyeki mpoku yakabali,
Wejima wawu ayidizisha kuzuña njita,
Muntu-himuntu wukweti mpoku yakabali hekata dindi
Kulonda adikiñi nachu kuwubanji wawufuku.”
10 Yishimi yachu yakutuña nasiliva,
Yuma yakuchikwata nachu yawuru.
Hakushakama hakutuña nawanda wawusombu;
Mukachi awahishilimu chiwahi
Kudi anyana kaYerusalema awambanda.”
11 “Enu anyana kaZiyona awambanda, yenu,
Kamushinshikenu Mwanta Solomoni
Navwali chibañula* chahachawija chamutuñililiwu kudi mama yindi+
Hefuku dasumbwileñayi,
Hefuku dazañaleli muchima windi.”
4 “Tiyaña! Eyi nkeñi yami, wudi walubanji.
Tiyaña! Wudi walubanji.
Mesu eyi adi neyi atupompa* neyi wunadibuti kadihina kumesu.
Nsuki jeyi jidi neyi mukanka wampembi
Wunakukunkumuka mpidi jaGiliyadi.+
2 Mazewu eyi adi neyi mukanka wanyikoku yinafumi nakutewulawu
Yinafumi nakuweleshawu,
Ejima wawu akweti ampamba,
Nawa kwosi niwumu wunajimbeshi mwanindiku.
3 Nyivumbu yeyi yidi neyi wanda wuchinana nge-e,
Nawa mazu iwahoshaña amawahi nankashi.
4 Nshiñu yeyi+ yidi neyi kaposhi kaDavidi,+
Kakutuña nanyisululu yamalola
Hakudikañawu nkebu 1,000
Nkebu jejima janjiñumuki jawamayala añovu.+
6 “Neyi kunawundi* dehi nawa nyevulu yinajimañani,
Nukuya kumpidi yamora
Nikukapidi kamanaña evumba dadiwahi.”+
8 Twaya tufumi kuLebanoni, eyi kankaña kami,
Twaya tufumi kuLebanoni.+
Kunkumukaku hewulu daAmana,*
Fumaku hewulu daSeniri, hewulu daHerimoni,+
Fumaku kumayeñu awanyitupa, fumaku kumpidi jawayisumpa.
9 Wunasendi muchima wami,+ eyi muhelami, eyi kankaña kami,
Wunasendi muchima wami nanochu chiwunantali kamu hohu,
Nawusaña wumu hohu wakwileñi deyi damunshiñu.
10 Ochikwawaha kukeña kuwamwekeshaña,+ eyi muhelami, eyi kankaña kami!
Kukeña kuwamwekeshaña kwabadika vinyu kuwaha,+
Nawa kununka kwamanji eyi evumba dadiwahi kwabadika chuma chidi chejima chevumba dadiwahi!+
11 Eyi kankaña kami, nyivumbu yeyi yinakuvwa wuchi wepuma.+
Mwishina dedimi deyi mudi wuchi nimayeli,+
Nawa ivumba dadiwahi dayakuvwala yeyi didi neyi ivumba dadiwahi dakuLebanoni.
12 Muhelami, kankaña kami, wudi neyi itempa dakukoleka,
Itempa dakukoleka, kaseloki kakujika.
13 Nyitayi* yeyi yinakusapuka hiparadisa* yamapomegiranati
Mudi nyikaabu yayiwahi nankashi ninyitondu yahena ninyitondu yanaradi,
14 Naradi+ niSafuroni, kalamasi*+ nisinamoni,+
Hamu nanyitondu yejima yamanaña evumba dadiwahi, mora nishilambwe,+
Kushilahu nimanji ejima evumba dasweja kuwaha.+
15 Eyi wudi kaseloki ketempa, ishima damenji atuuta,
Nawa wudi tuloña twahitaña menji kufuma kuLebanoni.+
16 Eyi mpepela yakukabeta kakuchimunswa, hindukaku;
Eyi mpepela yakukabeta kakuchidiilu, inzaku.
Kunkilaku chantesha mwitempa dami.
Ivumba dadu dadiwahi ditaandi.”
“Wami wahamuchima enzi mwitempa dindi
Nawa adii nyikaabu yayiwahi nankashi yidimu.”
5 “Neñili mwitempa dami,+
Eyi muhelami, eyi nkeñi yami.
Nasendi mora yami niyuma yami yevumba dadiwahi.+
Nadii ipuma dami dawuchi niwuchi wami;
Nanwi vinyu yami nimayeli ami.”+
“Enu amabwambu, denu!
Nwenu kulonda musheti kukeña kumwamwekeshaña!”+
2 “Nidi mutulu, ilaña muchima wami wunakutona.+
Natiyi wami wahamuchima nakudondomwena!
‘Eyi muhelami, eyi nkeñi yami, nshinkwiliku,
Eyi kambolu kami, wami wabula ihuji!
Muloña mutu wami wunazowi nawuumi,
Nsuki jami jinazowi namukekemena wawufuku.’+
3 Navuuli dehi munkukumba wami.
Nuwuvwali cheñi?
Naweli dehi kunyendu yami.
Niputiku cheñi maseki?
4 Wami wahamuchima wedisha chikasa chindi mwipwata dakuchenzelu,
Nawa muchima wami wabakuka muloña wayena.
5 Nahinduka kulonda nimushinkwiliku wami wahamuchima;
Makasa ami avwa mora,
Nawa nyinu yami yavwa manji amora,
Avwila hakukwatila kukapatishu.
6 Namushinkwilaku wami wahamuchima,
Ilaña nawana wami wahamuchima nafunti, nayi dehi.
Natiya kutama chayayi.*
Namukeñakeña, ilaña namuwana wanyi.+
Namutambika, ilaña wañakula wanyi.
7 Anhembi adiña nakuhitañana mumusumba anwana.
Añeta, ankatisha.
Anhembi ampwembu antambula ihina dami dakudikumbakesha.
8 Enu anyana kaYerusalema awambanda, nayisanyikishi:
Neyi muwana wami inakeña,
Mumuleji nenu nakati kukeña.”
9 “Indi weyi wahamuchima wabadikila hadihi akwawu,
Eyi mumbanda walubanji kubadika ambanda ejima?
Indi weyi wahamuchima wabadikila hadihi akwawu,
Chakwila wutusanyikishi ñana?”
10 “Wami wahamuchima walubanji nankashi nawa wuchinana;
Hadi amayala 10,000 yena wabadika.
11 Mutu windi hiwuru, wuru yasweja kuwaha.
Nsuki jindi jidi neyi nyitayi yanyikoma yinakuzuyañana,*
Yiyila neyi ikololu.
12 Mesu indi adi neyi tupompa* tudi kutuloña twamenji,
Tunakuwela mumayeli,
Tunashakami kwijiya* dikweti menji amavulu.
13 Mabuta indi adi neyi muhaña wayuma yevumba dadiwahi,+
Neyi matumbu* hakutumba nyitondu yikweti ivumba dadiwahi.
Nyivumbu yindi hinkenu, yinakuvwa manji amora.+
14 Nyinu yakumakasa indi hiwuru, kunashiwu malola akrisoliti.
Ivumu dindi hiizewu danzovu dinakukejima dinalambwijiwu malola asafira.
15 Nyendu yindi hiyishimi yamalola awulombu washiyashana yinashiwu mumayanda awuru yasweja kuwaha.
Mmwekenu yindi yidi neyi Lebanoni, yalubanji chikupu neyi nyitondu yanyisida.+
Enu anyana kaYerusalema awambanda, iwu diyi wami wahamuchima nawa diyi nkeñi yami.”
6 “Weyi wahamuchima nayi kudihi,
Eyi mumbanda walubanji kubadika ambanda ejima?
Weyi wahamuchima wafuntila njila yidihi?
Tuyi hamu neyi nakumukeñakeña.”
2 “Wami wahamuchima nakunkumukili kwitempa dindi,
Kunyihaña yanyitondu yayuma yevumba dadiwahi,
Nayi nakubiñila mukachi kamatempa
Nikwanda nkenu.+
3 Ami nidi wambala wawami wahamuchima,
Nawa wami wahamuchima wami.+
Nakubiñila mukachi kankenu.”+
4 “Eyi nkeñi yami,+ wudi walubanji neyi Tiriza,*+
Wudi wamuwahi neyi Yerusalema,+
Wakuhayamisha chikupu neyi amashidika ananyeñumuki mpandela jawu.+
Nsuki jeyi jidi neyi mukanka wampembi
Wunakukunkumuka nyikunkumuki yaGiliyadi.+
6 Mazewu eyi adi neyi mukanka wanyikoku
Yinafumi nakuweleshawu,
Ejima wawu akweti ampamba,
Nawa kwosi niwumu wunajimbeshi mwanindiku.
9 Ilaña wumu hohu diyi kambolu kami,+ wami wabula ihuji.
Owu akeñawu nankashi kudi mama yindi.
Amutiyaña kuwaha nankashi kudi wamuvweli.
Anyana awambanda amumonaña, nawa amutenaña nawu wukweti muzañalu;
Añodi jawanyanta niantombu niwena amuhamekaña.
10 ‘Mumbandanyi mukwawu watoñekaña neyi chejeji chakumacha,
Walubanji neyi kakweji kamukuma,
Wutooka neyi chejeji chetena,
Wakuhayamisha chikupu neyi amashidika ananyeñumuki mpandela jawu?’”+
11 “Nakunkumukilili kwitempa danyitondu yanyikaabu yakuteetula+
Kulonda nimoni yuma yayiha yinameni muchinekineki,*
Kulonda nimoni neyi muvinyu nasapuki,
Neyi nyitondu yamapomegiranati yinakenuki.
13 “Funtaku, funtaku, eyi mwini Shulami!
Funtaku, funtaku,
Kulonda tukubanjili!”
“Muloñadi chimukumubanjilila mwini Shulami?”+
“Wudi neyi mazanvu ayedi* anakuhañana!”
7 “Nyendu yeyi ochiyasweja lubanji neyi yidi munkwabilu jeyi,
Eyi mwana wamumbanda walema!
Lubanji lwamakata eyi ludi neyi lubanji lwayuma yakudikudeka,
Yatuñawu namakasa amukawukalawenu welukisha chikupu.
2 Mukovu weyi hicheña chakunama chanjiñumuki.
Wikaleña navinyu yakubombashana mpinji yejima.
Ivumu deyi himulumba watidiku,
Wunanyeñumukiwu kudi nkenu.
3 Mayeli eyi ayedi adi neyi anyana kakapaala ayedi,
Ampamba akapaala.+
4 Nshiñu yeyi+ yidi neyi kaposhi kamazewu anzovu.+
Muzulu weyi wudi neyi kaposhi kakuLebanoni,
Katalisha kuDamakasa.
Wunamusendi* mwanta muchima muloña wansuki jeyi jalubanji jajilehi.
6 Ochiwasweja lubanji, nawa ochiwawaha,
Eyi nkeñi yami, kubadika yuma yejima yasweja kuwaha!
7 Chiiminu cheyi chidi neyi mutondu wamukoma,
Nawa mayeli eyi adi neyi yizokofu yanyikaabu yanyikoma.+
8 Nahoshi nami, ‘Nukukandama mutondu wamukoma
Kulonda nikwati kunyitayi yawu yikweti nyikaabu.’
Mayeli eyi ekali neyi yizokofu yanyivinyu,
Muuya weyi neyi ivumba dadiwahi damaapo,
9 Nawa kanwa* keyi neyi vinyu yasweja kuwaha.”
“Yihiteña chiwahi hamudiwu wawami wahamuchima,
Neyi chiyahitaña chiwahi hanyivumbu yawantu anakaami.
10 Ami nidi wambala wawami wahamuchima,+
Nawa yena wantoñaña.
12 Tuhinduki nantetemena nankashi tuyi mumatempa anyivinyu
Nakumona neyi muvinyu wunasapuki,
Neyi wuluya wunakenuki,+
Neyi nyitondu yamapomegiranati yinakenuki.+
Kwenoku dikunukukumwekeshela kukeña.+
Nyikaabu yayiha niyayikulu,
Nakuhembeliyu, eyi wami wahamuchima.
8 “Neyi wadiña neyi manakwami weyala,
Wamwini kumayeli amama yami!
Neyi nakuwana hanji, nadi kukufufwa,+
Nawa kwosi muntu hela wumu wadi kundiwulaku.
Nadi kukwinka vinyu yevumba dadiwahi kulonda wunwi,
Menji anakamuniwu kunyikaabu yamapomegiranati.
3 Chikasa chindi chachimunswa chadi kwikala heshina damutu wami,
Nawa chikasa chindi chachidiilu chadi kunkumbata.+
4 Enu anyana kaYerusalema awambanda, nayisanyikishi:
Bayi muvundula hela kusañumuna kukeña mudi amiku, sampu ami aweni nakutiyi.”+
5 “Indi iwu mumbanda wunakufumina mwisaña hinyi,
Wunakundameni windi wahamuchima?”
“Nakuhindwishili mwishina damutondu waapo.
Mwatiyilileñayi mama yeyi nyisoñu yakukuvwala.
Mwatiyilileñayi mama yeyi wakuvweli nyisoñu.
6 Nlamiki hamuchima weyi neyi chilamiku,
Neyi chilamiku hachikasa cheyi,
Muloña kukeña kudi nañovu neyi kufwa,+
Nawa kudihana namuchima wejima kukweti ñovu neyi Ijamu.*
Nyizuzu yaku hikesi kanakubidima, himuzuzu waYa.*+
Neyi muntu wukuhana maheta ejima amwitala dindi muloña wakukeña,
Akuyidiwula* chikupu.”
8 “Tukweti muheletu wakansi+
Nawa hakweti mayeliku.
Hanu dinu tukela ñahi namuheletu
Hefuku dakenza nakumwihulawu?”
9 “Neyi yena himpwembu,
Tukutuñilahu mbañu yasiliva,
Ilaña neyi hichenzelu,
Tukumwenzela nepulanga damutondu wamusida.”
10 “Ami nidi mpwembu,
Nawa mayeli ami adi neyi tuposhi.
Dichi, kumesu indi ami nekali
Neyi muntu wawanaña kuwunda.
11 Solomoni wadiña netempa danyivinyu+ muBayali Hamoni.
Wahanini itempa danyivinyu kudi akakuhemba.
Nhembi wejima wadiña nakuleta yikunku yasiliva 1,000 yafumineña munyikaabu yamwitempa.
12 Ami nikweti itempa dami danyivinyu.
Yikunku yasiliva 1,000 yeyi, Eyi Solomoni,
Nawa 200 yanowu ahembaña nyikaabu yamwitempa.”
13 “Eyi wunakushakama mumatempa,+
Amabwambu atiyilili kwizu deyi.
Ninami nitiyililiku.”+
14 “Nyakalaku, eyi wami wahamuchima,
Nawa temukaku neyi kapaala+
Hela neyi mwana kankayi
Hewulu dampidi janyitondu yamavumba amawahi.”
MuchiHeberu, “Nkokeli kuwudi.”
Hela “tuhituluki.”
Dikwila nawu, ayañadima.
Hela “kadihina kakudililamu.”
Hela “Naradi.”
Hela “atunkudimba.”
Hela “itala deneni.”
Iwu himuchidi wankenu.
MuchiHeberu, “itala davinyu.”
Hela “njanina.”
MuchiHeberu, “ifuku dinooni.”
Hela “mpidi jaBeteri.”
Hela “wakeñawu kudi wumi wami.”
Hela “wakeñawu kudi wumi wami.”
Hela “wakeñawu kudi wumi wami.”
Hela “wakeñawu kudi wumi wami.”
Hichitwamu chakubuta hewulu mwasendeleleñawu muntu walema.
Hichitwamu chakubuta hewulu mwasendeleleñawu muntu walema.
Hela “chibaaba.”
Hela “atunkudimba.”
Iwu himukaabu wawulombu wameruni nawa wamwekanaña neyi apo.
Hela “mbulukutu.”
MuchiHeberu, “ifuku dinooni.”
Hela “kuMpidi yaditalashana naLebanoni.”
Hela hekwawu, “Ikowa.”
Hela “hiitempa.”
Iteti devumba dadiwahi.
Hela hekwawu, “Wumi wami wanshiya chahoshayi.”
Hela hekwawu, “neyi yizokofu yanyikoma.”
Hela “tunkudimba.”
Hela hekwawu, “kunyivumbu yakaseloki.”
Hela “mabuchikila.”
MuchiHeberu, “Mudiwu.”
Hela “Musumba Wawuwahi.”
Iwu himukaabu wawulombu wameruni nawa wamwekanaña neyi apo.
Hela “mbulukutu.”
Iwu himuntu wamumbanda ahanineñawu chawaana.
Hela “muhoñi.”
Hela “Wumi wami.”
Hela “adihana.”
Hela “kuhañana kwaMahanayimi.”
MuchiHeberu, “mutu weyi.”
Hela “Wunamukasi.”
Hela “mudiwu.”
Hela “Shelu,” dikwila nawu, ijamu dawantu ejima. Talenu Kulumbulula.
“Ya” hiijina daYehova muwihi.
Hela hekwawu, “iyala.”