LWIHU 17
Bayibolu yinateli kukwasha ñahi chisaka chenu?
AMAYALA ASUMBULA/ATATA JAWANTU
“Munjila yoyimu, amayala atela kukeña añodi jawu neyi chakeñawu nyijimba yawu aweni. Iyala wakeña ñodindi, wadikeña yomweni, muloña kwosi muntu wahelahu dehi mujimba windiku, ilaña wawudiishaña nikuwuhemba chiwahi . . . ninenu muntu-himuntu watela kukeña ñodindi neyi chadikeñayi yomweni.”
“Atata jawantu, bayi muhilishaña anyanenuku, ilaña yikulishenuña nakufumba nikukonkomwena kwaYehova.”
AMBANDA ASUMBUKA
“Mumbanda niyena watela kwikala nakalemesha chikupu kudi nfumwindi.”
“Enu ambanda, ovwahilenuña anfumu jenu, muloña dichuma chatelela mudi Mwanta.”
ANYANA
“Enu anyana, ovwahilenuña anvwali jenu kwesekeja nachakeñañayi Mwanta, muloña chumichi dichaloña. ‘Lemeshaku tata yeyi nimama yeyi,’ dilushimbi lwatachi ludi nanichi chikaninu, nawu: ‘Kulonda yuma yikuwahileña nawa wushakami yaaka yayivulu hamaseki.’”
“Enu anyana, ovwahilenuña anvwali jenu muyuma yejima, muloña chumichi dichamutiyishaña Mwanta kuwaha.”