Kulun̄a na Wumi Hamaseki Haya Nyaka!
Iwu broshuwa anawusoneki kulonda kukukwashaku eyi kwiluka walen̄eli iseki nayuma yezhima yekalahu. Wukudiza nawa neyi Nzambi, walen̄eli iseki, wukweti izhina. Mwenimu, tukulumbulula mulon̄anyi Nzambi chalen̄eleliyi muntu nanochu wunatweshi kulun̄a na wumi hamaseki haya nyaka.
Tunakuhweleli netu nyevulu yayivulu yikukukwasha kufwanikizha iyi yuma chachiwahi. Hakwila wuwaninumu cheneni nankashi, wunateli wutan̄i yisoneka yamu Bayibolu yanenkuwu kunsa ya nyevulu yayivulu. Munoyu nzhila, wukuditan̄ila eyiaweni yikanin̄u yimu yayiwahi ya Nzambi yekala muBayibolu nanozhu Nzambi zhahoshayi nindi watela wili hakutambula kushikila chayikaninu yeniyi.
Wukuken̄a nawa kuzatisha iwu broshuwa kulonda kukwashaku antu amakwawu. Neyi wukweti nyana, wunatweshi kuwizatisha kulonda adizi zha Nzambi. Neyi washakama mwitun̄a mwekala akulumpi amavulu abulan̄a kutan̄a, wukutwesha kuzatisha nyevulu kulonda kuyikwashaku kutiyisha kufuukula cha Nzambi hakwila niwena, nawa, akwashi enawu.
Tunakuhweleli chikupu netu kudiza nsan̄u yeniyi kukwenzununa nzhila kudi eyi yakutambwilamu nkisu zhazhivulu, nikumwekesha kudi akwenu chiyatela kushakama haya nyaka hanu hamaseki.