Kudiza 16

Kutonda Kweyi kwa Kuzatila Nzambi

Chumanyi watela kwila hakwikala mulunda naNzambi? (1, 2)

Watela kudihana n̂ayi kudi Nzambi? (1)

Mpijinyi watela kupapatishewa? (2)

Wunatweshi n̂ahi kuwana wuswa wakwikala wakanshishi kudi Nzambi? (3)

1. Hakwikala mulunda naNzambi, chin̂a wikali weluka chachiwahi walala wa mu Bayibolu (1 Timotewu 2:3, 4), kuhwelelaku yuma yiwunadizi (Aheberu 11:6), lapilaku ku nshidi jeyi (Yililu 17:30, 31), balumukaku nawa munjila jeyi. (Yililu 3:19) Dinu kuken̂a kweyi kwa kudi Nzambi kunatweshi kukuswija kukudihana eyi aweni kudi Nzambi. Dikwila nawu nkaweyi, mukulomba kwakumbadi wukumuleja neyi wunakudihana eyi aweni kwila mwaya kuken̂a kwindi.—Matewu 16:24; 22:37.

2. Hanyima yakudihana kudi Nzambi, watela kupapatishewa. (Matewu 28:19, 20) Kupapatishewa kwalejan̂a wudiwejima nawu wunadihani eyi aweni kudi Yehova. Nochu kupapatishewa kwanowu akula dehi aneluki kutonda kuzatila Nzambi. Neyi muntu nakupapatishewa, mujimba windi wejima watela kujimina mumenji mpinji yantesha.a—Maku 1:9, 10; Yililu 8:36.

3. Hanyima yakudihana, Yehova wukukuhwelela kuhemba chikaninu cheyi. (Masamu 50:14; Mukwakutaŋisha 5:4, 5) Diyabolu wukweseka kukukan̂esha kuzatila Yehova. (1 Petulu 5:8) Ilan̂a swilaku kwakwihi na Nzambi mukulomba. (Afwilipi 4:6, 7) Tan̂aku Mazu indi ifuku ni fuku. (Masamu 1:1-3) Lamatilaku kwakwihi na chipompelu. (Aheberu 13:17) Hakwila mwejima imu, wukuheta wuswa wakwikala wakanshishi kudi Nzambi. Haya nyaka na nyaka wamba kazatan̂a ochu chaken̂ayi Nzambi kudi eyi!

[Tumazu twaheshina]