CHIBALU 9

Indi Paradisa Yakenza Mpinjinyi?

Makabi anakumwekana hamaseki anakumwekesha nawu katataka Wanta waNzambi wutachiki kuyuula. Luka 21:10, 11; 2 Timotewu 3:1-5

Kukala kunasweji kunakumwekana mumafuku akukuminina—yisela yalwisu, njita, nzala, yipupu, kubula kwovwahila anvwali nikujahanaña

Bayibolu yashimwineñahu dehi yuma yayivulu yinakumwekana makonu. Yashimwini nawu antu akekala akwakukeña mali, akwakudikaña nawanvwali jawu, achinchika nawa akwakuditiyisha aweni kuwaha.

Kwamba kaholoka nyitentanshi yamaneni, njita, nzala niyipupu kwejima. Yuma yejimiyi yinakumwekana.

Chinsahu jaYehova nakumushimwina iwu iyala nsañu yayiwahi yaWanta

Yesu wahosheli cheñi nindi nsañu yayiwahi yawanta akayishimwañena mwahita iseki dejima.—Matewu 24:14.

Iwu Wanta wakafumishahu kutama kwejima. 2 Petulu 3:13

Antu atama anayijilumuni haAmagedoni nawa Satana niandemoni jindi anayibabeshi

Yehova keña yajilumuni antu ejima atama.

Satana niandemoni jindi akayibabesha.

Yesu nashakami hetanda dindi mwiwulu nawa antu akuyitachi yashiyashana anazañalali

Antu amutiyililaña Nzambi akapuluka nakwiñila mwituña dadiha dakuloña, mwakashakamañawu chakadi woma, antu akadikuhwelela nikukeñañana.