CHIBALU 14

Munateli Kumwovwahila Ñahi Yehova?

Imanenu chakola kukabadi kaNzambi. 1 Petulu 5:6-9

MukwaKristu nakani kudibomba munsakililu yakutwamba hela munsañu jamatuña nachiyuulu

Bayi mudiñija mutushidikilu twazuñañeshaña nshimbi jamuBayiboluku. Hakwila nawu mubuli kudiñijamu chiña mwikala namuchima wawulobu.

Bayi mudiñija munsañu jamatuña nachiyuulu jamunyuzaku; hijamuhakwilaña Yehova niWanta winduku.

Fuukulenuhu chachiwahi, mutiyililenu Nzambi. Matewu 7:24, 25

Iwu iyala nakupompa Hetala daWanta, nawa natachiki kudiza Bayibolu naChinsahu chaYehova

Dikundenu nawaYinsahu jaYehova; akuyikwasha kukundama kwakwihi naNzambi.

Twalekenuhu nakudiza hadi Nzambi nawa fwilenu kwovwahila nshimbi jindi.

Iwu iyala nakudihana kudi Yehova mukulomba nkumininaku napapatishewi

Neyi chikuhwelelu chenu chinakoli dehi, mwatela kudihana kudi Yehova nikupapatishewa.—Matewu 28:19.

Mutiyililenu Nzambi. Tañenu Bayibolu nawa ihulenu aYinsahu jaYehova ayikwashi kulonda mwiluki nsañu yidimu. Zatishenu yuma yimunakudiza. Neyi mwila mwenimu, mwakashakama haya nyaka.—Masamu 37:29.