Komana Mukwila Mwaya Muchima waYehova?

Tunayihameki hakuwana mpinji yakutaña yinu buloshuwa kulonda muyiluki aYinsahu jaYehova, nyidimu yitwazataña ninyidimu yazataña kuloñesha kwetu. Tunakuhweleli netu iyi buloshuwa yinayikwashi kutwiluka neyi antu anakwila mwaya muchima waYehova makonu. Tunayikoleshi kutwalekahu kudiza hadi Nzambi, kuleja chisaka chenu chejima niamabwambu jenu nsañu yimunakudiza nikupompa mpinji yejima nanetu hakupompa kwetu kwawakwaKristu.—Aheberu 10:23-25.

Mukwiluka nenu neyi mudiza nsañu yayivulu hadi Yehova, mukumona chikupu nenu wayikeña nankashi. Chumichi chikuyileñela kuzata nañovu kulonda mumwekeshi nenu mwamukeña. (1 Yowanu 4:​8-10, 19) Hanu dinu munateli kumwekesha ñahi nenu mwamukeña Nzambi muchihandilu chenu? Muloñadi chimwafwilaña kwovwahila nshimbi jindi? Nawa chumanyi chikuyikwasha kwila mwaya muchima waNzambi hamu nanetu? Muntu wayidizishaña Bayibolu wukutiya kuwaha kuyileja ñakwilu kulonda enu nichisaka chenu ‘mushakami mukukeña kwaNzambi, nakutalila . . . wumi wahaya nyaka.’​—Yuda 21.

Tunayikoleshi kutwalekahu kuyilaku hambidi munsañu yalala kuhitila mukudiza iwu mukanda wukwawu . . .