‘Hembaku Muchima Weyi!’ Kupompa Kwankambi Kwawa Yinsahu Jayehova Mutu Wefuku Datachi
MUTU WEFUKU DATACHI
“Hakwila Yehova Watalaña Kumuchima”—1 SAMWELI 16:7.
MUTU WEFUKU DAMUCHIYEDI
“Kanwa Kahoshaña Yuma Yinalumbami Mumuchima”—MATEWU 12:34.
MUTU WEFUKU DAMUCHISATU
‘Mukalakelenu Yehova Namuchima Walala Chikupu’—1 KUSHINDULULA 28:9.
MuBayibolu muchima awutena kwakwihi namapampa ikombakaji. Kapampa kakavulu Nsona yahoshaña bayi neyi hamuchima waweni wamuntuku, ilaña yahoshaña hamuchima wachifwikija. Indi muchima wachifwikija hichumanyi? Idi izu dahoshaña hamuntu wamukachi, yuma yatoñojokañayi muntu, chatiyañayi niyuma yafwilañayi.
Muloñadi chitwatela kuhemba muchima wetu wachifwikija? Nzambi wamusañumwini Mwanta Solomoni kusoneka nindi: “Hembaku muchima weyi chakubadika chiwahembaña yuma yejima, muloña mwenomu dimu mwedikaña wumi.” (Yishimu 4:23) Chihandilu chetu chamakonu nikucheñeja kwetu kwakumbidi kwashindamena hachekala muchima wetu wachifwikija. Muloñadi? Muloña Nzambi watalaña mumuchima. (1 Samweli 16:7) ‘Himuchima wamuntu wamukachi,’ weluka chatiyañayi Nzambi hadi etu.—1 Petulu 3:4.
Tunateli kuhemba ñahi muchima wetu? Ilu lwihu akalwakula hakupompa kwankambi kwawaYinsahu jaYehova kwakekala mukaayi kejima kwakatachika mukanu kakweji. Mwani tunakuyitambika netu mwakenzi nakupompa mafuku ejima asatu.a Yuma yimukadiza yikayikwasha kwila yuma yazañaleshaña muchima waYehova Nzambi.—Yishimu 27:11.
[Tumazu twaheshina]
a Neyi munakukeña kupompa kudi kwakwihi nakumwashakamaña, mwani talenu Webu sayiti www.jw.org. Munateli cheñi kwihula aYinsahu jaYehova amwiluña denu hela kusonekela ansoneki ayinu magazini.
[Mazu aKusakilila eniMwevulu wudi hefu 32]
Mwevulu wudi kuchidiilu: Aus dem Fundus der MÜNCHNER OLYMPIAPARK GMBH, München