Malwihu Kufuma Kudi Antañi
Neyi antu abula kudisumbula akaama mwitala dimu nkawawu chakadi wunsahu wunakumwekesha nawu kwadiña kukala kweneni, komana anakoñi nshidi yakuyituñila kometi yawunsompeshi?
Eña, neyi kwadiña wanyi kukala kweneni kwaleñela wumi wawu kwikala muwubanji, atela kuyituñila kometi yawunsompeshi muloña hichinjikijilu chakufwila kukoña wuvumbi.—1 Kor. 6:18.
Izanvu dawaeluda datela kukeñakeña wunsahu wunakumwekesha neyi mwalala atela kutuña kometi yawunsompeshi. Chakutalilahu: Komana eyala namumbanda anakudiluka? Ayifumbahu dehi kutalisha hayilwilu yawu? Kukalanyi kwayileñela kukaama mwitala dimu? Komana afuukwilili chadimu kwila mwenimu? Adiñahu wanyi nanjila yikwawu yakubula kukaama mwitala dimu, indi kwiji kudi kukala kwamwekeni kwayuma yabulili kukuhwelelawu hela wubanji waletesheli akaami mwitala dimu? (Mukwa. 9:11) Akaaminini kudihi? Chineli ñakwilu yinamboki, kudi yuma yikwawu yatela kushinshikawu aeluda.
Hanyima yakuwana wunsahu walala, aeluda atela kufuukulahu neyi awa antu abula kudisumbula atela kuyituñila kometi yawunsompeshi hela nehi