Yakubidika
◼ Nyikanda yakuhana muAugust: Neyi chochiyidi muMudimu wetu waWanta waJuly 2006. September: Mukanda waChatañishaña Bayibolu wukazatishewa. Chinakukeñeka kuzata nañovu kulonda kutachika kudizisha kwaBayibolu halwendu lwatachi. Nyikanda yejima yimukuhana mwatela kufuntilaku nankeñelu yakutachika kudiza Bayibolu kwahetala. October: Hanenu makopi enu aUlupungu lwa kwa Kalinda niLoleni! Neyi muntu namwekeshi mpwila, mwinkenu buloshuwa yaMulelola! kulonda yasweji kwikala nachipepa chakukeña kudiza Bayibolu. Hamafuku adi hambidi, nyitayi akayileja hansañu yakampeni kadimena naNsañu yaWanta yinakufuukulawu. November: Mukanda waSambilileni Kuli Kasambilisha Mukalamba wukahanewaña. Neyi mwiniitala yahosha nindi hakweti anyanaku, hanenu tilakiti yaBushe Kuti Mwatemwa Ukwishiba na Fimbi Pali Baibolo? hela tilakiti yikwawu yatelela.
◼ Nkoñi wakutwaminina hela muntu mukwawu atondawu kudi yena watela kuchinda mali achipompelu haSeptember 1 hela mafuku antesha kufuma hanidi ifuku. Neyi mukweti akawunti yikwawu yidi neyi yajakuloñesha-loñesha hela yajakutuñatuña, niyena mwatela kuyichinda. Neyi munakumishi dehi kuchinda, bidikenu kuchipompelu hampinji yikukekala kubidika lipoti yamali.
◼ Yipompelu yatela kusonekesha yumiyi hakuwoda kwanyikanda yawu kukahiñahu: 2007 Ukubebeta Amalembo Cila Bushiku, (yikekalaku muChichewa, muChitonga, muchiBemba, muEnglishi, muchiKaondi, muchiLuvale, muchiLozi, nimuchiSwahili) 2007 Kalenda yawaYinsahu jaYehova (yikekalaku muChichewa, muchiBemba, muEnglishi nimuchiSwahili) ni 2007 Yearbook of Jehovah’s Witnesses (yikekalaku muEnglishi nimuchiSwahili). Iku hikuwoda kwayuma yadimena, dichi mwatela kuyisonekesha hohu neyi kudi antu anakuyikeña. Sampu nichiyikekalaku iyi yuma, mukunkulwayi yikumwekenaña handandanda ya “Yuma Yakenza Hanyima.” Mwatela kubidika kuchipompelu nakuyileja nenu kudi kusonekesha yumiyi. Akwakushimwina bayi alabajala kuhana kusonekesha kwawu hamesa yanyikandaku, nawa Nsoneki waNyikanda bayi yalabajala kutemesha chipapilu chakusonekeshelahu nyikanda kumutayuku.
◼ Kuchinda kwanyikanda yejima kushilahu nimagazini yimukweti hachipompelu kwahachaaka kwatela kwikalaku haAugust 31, 2006, hela ifuku didi kwakwihi nankashi nanidi ifuku. Iku kuchinda kudi hohamu nakuna kwachindaña mukwakuhana nyikanda hakakweji hakakweji, nawa kuvula kwejima mwatela kukwisoneka hafomu yaUkupenda Ifitabo (S-18). Ihulenu atalaña hamagazini yachipompelu kulonda ayileji kuvula kwamagazini yidihu. Nsoneki wachipompelu chinakutala hanyikanda watela kwikala hohu hampinji yakuchinda. Yena hamu ninkoñi wakutwaminina muchipompelu chatalaña janyikanda akafwachika iyi formu. Chipompelu chejima chatalaña janyikanda chakatambwila mafomu ayedi atenañawu nawu Ukupenda Ifitabo (S-18). Mwani temeshenu fomu yayeni kukasanji kamutayi henohu ifuku daSeptember 6 kanda dishiki. Hembenu kopi yimu yamufayilu yenu.