Yakubidika
◼ Nyikanda yakuhana muSeptember: Mukanda waChatañishaña Bayibolu wukazatishewa. Kwatela kwikala kuzata nañovu kulonda kutachika kudizisha kwaBayibolu hampinji yatachi. Nyikanda yejima yimukuhana mwatela kufuntilaku nankeñelu yakutachika kudiza Bayibolu kwahetala. October: Hanenu makopi enu aUlupungu lwa kwa Kalinda niLoleni! Neyi muntu namwekeshi mpwila, mwinkenu buloshuwa yaMulelola! kulonda yaswejeshi kwikala nachipepa chakukeña kudiza Bayibolu. November: Mukanda waSambilileni Kuli Kasambilisha Mukalamba wukahanewaña. Neyi mwiniitala yahosha nindi hakweti anyanaku, hanenu tilakiti yaBushe Kuti Mwatemwa Ukwishiba na Fimbi Pali Baibolo? hela tilakiti yikwawu yatelela. December: Hanenu mukanda waUmuntu Wakulisha Uwabalile Abako Uwa Mweo. Neyi nehi zatishenu nyikanda yikwawu yidi neyi iyi: Baibolo—Cebo ca kwa Lesa Nelyo ca Muntu?, Mukanda Wami waMpanji Jamu Bayibolu, niKuti Waikala Kuli Pe na pe muli Paradise Pe Sonde, neyi mudi nayu hachipompelu.
◼ Yipompelu yatela kutachika kusonekesha mabound volumes aWatchtower niAwake! achaaka cha 2006 niWatchtower Library—2006 Edition jaha CD-ROM nakusonekesha kukalondelahu. Mwani ilukenu nenu Watchtower Library—2006 Edition anayiloñesheli hohu antu apapatishewa amuchipompelu nawa anateli kuyitemeshela kuhitila muchipompelu hohu.
◼ Yipompelu yatela kutachika kusonekesha Nsona yachaaka ya 2007 nakusonekesha kwanyikanda kukalondelahu. Sampu anayitemeshi, nyikandiyi yakamwekenaña handandanda yakuloñelahu yuma yakenza hanyima. Kuhalwa, chaaka chinamani yipompelu yayivulu yalabili kusonekesha hela yajimbeluku. Dichi mwani bayi mulabajala kusonekeshaku. Hikwakekala ntanjikilu yadimena yakutemesha akasonekesha mukulabaku. Nsona yachaaka yakekalaku muChichewa, Chitonga, muchiBemba, muEngilishi, muchiKaonde, muchiLozi, muchiLubale, muchiSwahili, nimuchiTumbuka. Wuseya wachipapilu chimu chaNsona yachaaka wudi ha K3,000.00 nawa chiña musonekesha nakufwetela ha fomu ya S-20 nakusoneka chiwahi hamufunda wacheñi nenu “NSONA YACHAAKA” nawa mwani shimunenu chikupu muchidi wumunakukeña. KUSONEKESHELA HA S-14 NEHI. Yipompelu yatela kusonekesha nsona yachaaka mumuchidi wumu hohu. Nawa yipompelu yatela kulamika Nsona yachaaka yayiha muchipompelu haJanuary 1, 2007.
◼ Aeluda anayanukishuku kulondela nshimbi jahenuwu muUlupungu lwa kwa Kalinda April 15, 1991, mafu 21-3 kutalisha hadi muntu ahañawu muchipompelu hela wadambulaku wudi kwakwihi nakufuntishewa.
◼ Vinyu yahaChanukishu: Yipompelu yamunyikala yatela kuwoda vinyu yoyinu mpinji. Temeshenu Fomu yaKutemeshelahu Mawana yikwawu hamu namali. Sonekenu chiwahi nenu “MALI AVINYU” hamufunda wacheñi. BAYI mutemesha mukanda hela Literature Request Form (S-14) ku, chiña S-20 hohu. Neyi kufweta mali nehi, kwosi kuyitemeshela vinyu. Chikasha cha 500ml chidi nawuseya wa K10,000.00. Ifuku daDecember 31, 2006 didu ifuku dakukumisha kuwoda. MuFebruary 2007 dimwakatemeshawu vinyu.