Yakubidika
◼ Nyikanda yakuhana muJanuary 2008: Mukanda wejima wukweti mafu 192 wasonekelawu hachipapilu chawulombu hela mukanda wudi wejima wasonekeluwu henohu chaaka cha 1991 kanda chishiki mwatela kuwuhana. Neyi yipompelu hiyikweti nyikanda yamuchidiwuku, yatela kuzatisha mukanda waUkwishiba hela buloshuwa yaMulelola! February: Hanenu mukanda wa Is There a Creator Who Cares About You? hela Icaba Inkaama ku Nsansa sha Lupwa. March: Hanenu mukanda waChumanyi Chacheni Chatañishaña Bayibolu? nawa shenuku ñovu yayeni kulonda kutachika kudiza kwaBayibolu. April: Hanenu Kaposhi Kakutalila nimagazini yaAwake! Chakakeñeka kushaku kashinshi kakeni kulonda kuya nakuhempula amaha amwekesheli mpwila nawa awanikili kuChanukishu nikumpanji yaBayibolu yadimena ilaña hiyenzaña kuchipompelu nakupompaku. Nkeñelu yakuya nakuyihempula yatela kwikala yakutachika kulombola kudiza kwaBayibolu kwahetala nanowu abula muntu wakuyidizisha.
◼ Chineli kakweji kaMarch kakweti nyilungu yitanu, chikwikala chachiwahi kuzataku wupayiniya wakukwasha.
◼ Kutachika muFebruary, nakushika haMarch 2 mpanji yayiha yawantu amavulu yikahoshañawu kudi ankoñi añinza yidi namutu wunakwila nawu “Kudihi Kumunateli Kuwana Wukwashu Mumpinji Yakukala?”
◼ Yipompelu yatela kuloñesha chachiwahi kulonda yakanakani Chanukishu chachinu chaaka haMposu, March 22, neyi itañwa dinahumi dehi. Hela chakwila, mpanji yinateli kutachika swayi, kuhitishamu yifwikija kwatela kutachika hanyima yakuhuma kwetañwa. Ihulenu mutayi watalaña jampepela kulonda mwiluki mpinji yikahuma itañwa mwiluña denu. Chipompelu chidi chejima chatela kweseka kwanakana Chanukishu nkawawu. Hela chochu, chumichi hichatela kuzatika mpinji yejimaku. Kumaluña amakwawu yipompelu yazatishaña Itala daWanta dimu, hekwawu chipompelu chimu hela kubadikahu atela kuzatisha itala dikwawu haniyi mpinji. Neyi chinatwesheki, tunafuukuli kuhitishahu jiminiti 40 hakachi kajiprogiramu kulonda ejima atweshi kuhetelamu chikupu mukuhanjeka hanyima yaChanukishu. Cheñi mwatela kusha maana kunyotoka nikwakuyimika, kubombelahu kwakusulukila nikwakuyisendela antu. Izaza dawaeluda datela kusakula nloñeshelu yikuzatika chiwahi kwiluña dawu.
◼ Twatela kuhemba chiwahi maBayibolu etu. Tunateli kumwekesha ñahi netu twalemesha jiBayibolu jetu? Kuhitila mukwinka hohu atudizi aBayibolu anakuyilaku hambidi, anateli kutaña nawa awanikaña kukupompa. Hitwatela kuyihana mumudimu wamwihaku.
◼ Kakavulu ashimunaña yakubidika yalema muMudimu Wetu waWanta kutalisha hajinjila nihakusonekesha nyikanda. Tunakuyanukishaku netu mwatela kuyinka akwakutala hanyikanda kopi yaMudimu Wetu waWanta chakubula kunata mpinji neyi chipompelu chinatambwili. Atela kwiluka yakubidika yidimu nakuyilondela mukunyakashana.
◼ Ankoñi aKutwaminina atela kwiluka chipompelu chinakutambwila Mudimu Wetu waWanta washikila nakusompweshahu chantesha. Neyi atambwilaña yayivulu chikupu, chipompelu chatela kukeheshaku kuzatisha Fomu Yakusonekeshelahu Magazini M-202. Neyi atambwilaña yantesha, anateli cheñi kuvulishaku. Mukwakushimwina wudi wejima watela kutambwila kopi yimu. Ejima awanikaña kukupompa kwamudimu mpinji yejima nawa anakuyilaku hambidi adi kwakwihi nakutachika kuya nakushimwina atela kutambwila kopi yimu. Mwatela kuhemba kopi mulayibulali yaHetala daWanta. Antu yahañawu muchipompelu hiyatela kutambwila kopi yaMudimu Wetu waWantaku. (Talenu Mudimu Wetu waWanta waFebruary 1987 waChibemba.)
◼ Neyi chabidikiluwu muMudimu Wetu waWanta waDecember, vidiyo yayiha yinakwila nawu Fwilenu Chikonkwanyi Chakumulemesha Nachu Nzambi—HaDVD (dvpsg) yidi kwoku. Iyi vidiyo yinashindameni hachimwenu chahakupompa kwankambi kwadiñaku mu 2005 nawa yamwekesha kukala kwamonañawu atwansi hakutwalekahu kwikala akola kutalisha hachikonkwanyi chakumukalakela Nzambi hakumina ñovu jawu. Muchimwenu chenichi Timotewu wakwashili mana kwetu wakansi kwikala wakola kuhitila mukumuleja kukala kwamweniyi hakufwila kushikija chikonkwanyi chindi chakuzata mudimu wampinji yejima. Kubombelahu, atwansi atela kushimuna kukala kuyamonañawu kufuma kudi anvwali jawu abula kwikala aYinsahu hela amabwambu jawu. Hela chochu, shinshikenu kashinshi kaTimotewu washinjililuwu chikupu kudi kapostolu Pawulu wadikundileñayi nindi. Iyi DVD yikukwasha atwansi bayi neyi kutwalekahu hohu kwikala nakashinshi muchalalaku, ilaña kufwila kushikija chikonkwanyi chakuzata mudimu wampinji yejima. Ichi chimwenu chiduku hohu muEnglish chayinu mpinji.
◼ Kutachika mulungu waAugust 4, 2008, twakadizaña mukanda waDifukulenu Kudi Nzambi Walala Wumu Hohu haKudiza kwaMukanda haChipompelu.