Yakubidika
◼ Nyikanda yakuhana muFebruary: Is There a Creator Who Cares About You? hela Icabe Nkaama ku Nsansa sha Lupwa. March: Chumanyi Chacheni Chatañishaña Bayibolu? Zatenu nañovu kulonda mutachiki kudiza kwaBayibolu. April niMay: Kaposhi Kakutalila nimagazini yaAwake! Chakakeñeka kushaku kashinshi kakeni kulonda kuhempula amaha amwekesheli mpwila nawa awanikili kuChanukishu nikumpanji yaBayibolu yadimena ilaña hiyenzaña kuchipompelu nakupompaku. Nkeñelu yakuyihempula yatela kwikala yakutachika kulombola kudiza kwaBayibolu kwahetala nanowu abula muntu wakuyidizisha.
◼ Chineli kakweji kaMarch kakweti nyilungu yitanu, chikawaha kuzataku wupayiniya wakukwasha.
◼ Nsoneki ninkoñi wamudimu atela kuhituluka mumudimu wawapayiniya ampinji yejima. Neyi kudi amakwawu anakukañanya kushikija maora akeñekaña, aeluda atela kuloñesha kulonda ayikwashi.
◼ Mpanji yadimena yawantu amavulu yachilaaka chaChanukishu cha 2008 yidi namutu wunakwila nawu “Hinyi Wukweti Wuswa Wabadika waKuyula Muchidi waMuntu?”
◼ Ansoneki amuyipompelu atela kwiluka nawu akweti Mukanda Wakutondelahu Apayiniya (S-202) wapayiniya wudi wejima wamuchipompelu. Neyi hiyakwetuku, mwani lejenu kasanji kamutayi kuhitila mukusoneka.
◼ Nyikanda yawaMputamesu: Tunakuyanukisha akwakushimwina ejima netu nyikanda yawaMputamesu yikweti wuseya chikupu kuyisoneka, sweje-e yikweti jinsona jamaneni. Neyi himukwiteja fomu yaLiterature Request (S-14) Nsoneki waChipompelu watela kwiluka nindi iyi nyikanda anayisonekesheli akwakushimwina hela antu akweti mpwila yakudiza nawa amwekeshaña mpwila yalala kuhitila muKudiza Bayibolu hela kuwanika kukupompa mpinji yejima.
◼ Kudi Ankoñi Akutwaminina: Mpinji yikwawu nyikanda yafumaña kukasanji kamutayi yatemeshelañawu mazanvu awaeluda yekalaña nanshimbi yalema kutalisha kumudimu wankoñi wamagazini hela nkoñi wanyikanda. Hanyima yakutaña iyi nyikanda, Ankoñi Akutwaminina atela kuyileja awa amana kwetu iyi nsañu.
◼ Neyi chiyabidikiluwu muMudimu Wetu waWanta waDecember 2007, yipompelu yatela kutachika kusonekesha Watchtower Library—2007. Mukekala ninyikanda yedishiluwu mu 2007. Hela chochu, chambu cheneni chidi haniyi progiramu yayiha chidi nawu Watchtower Reader akayibombelamu wanyi muloña Watchtower Library yinashindameni haWatchtower Reader. Iyi progiramu yapela nankashi kuzatisha nawa kudi jinjila jajiha jimukadiluñisha nawa chikaleñela kudiza kwahalwenu kwikala kwakuhetelamu chikupu. Chimwasha iyi progiramu yayiha hakompyuta, akayileja kupulinta nsañu yantesha yimwatela kuhitulukañamu kulonda mwilukishi iyi progiramu yayiha nimbadi jikwawu jiyanabombelumu. Hakwila nawu mushi Watchtower Library—2007 hakompyuta, mwatela kwikala nakompyuta yazatishaña progiramu yaMicrosoft Windows 2000, XP, hela Vista.
◼ Nyikanda Yayiha Yidihu:
Buloshuwa yinakwila nawu “Nyikanda Yajila Yejima”—Yalala Nawa Yayiwahi—2008 (Chibalu 1 ni 2)—Lunda
◼ Matepu amaha adihu:
Mwe Ndupwa—Lekeni Imikalile Yenu Ibe ya Kubelenga Baibolo Cila Bushiku!—Chibemba