Yakubidika

◼ Nyikanda yakuhana March: Chumanyi Chacheni Chatañishaña Bayibolu? Zatenu nañovu kulonda mutachiki kudiza kwaBayibolu. April niMay: Hanenu magazini aKaposhi Kakutalila niAwake!. Kukwikala kuzata nañovu kulonda kufuntila kudi antu amaha anamwekeshi mpwila yakuwanika kuChanukishu nikumpanji yadimena yawantu amavulu abula kuvula kwinza kukupompa kwachipompelu. Chikonkwanyi cheneni chakufuntilaku chidi chakukeña kutachika kudiza kwaBayibolu nawantu anakubula kudiza. June: Hanenu mukanda wa Ukusapika Lesa Ukwa Mutundu wa Muntu, hela Baibolo Cebo ca kwa Lesa Nelyo ca Muntu? Neyi chipompelu hichikweti iyi nyikandaku mwatela kuhana mukanda wa Difukulenu kudi Nzambi Walala Wumu Hohu.

◼ Neyi mutambwila Kaposhi Kakutalila niAwake! yayiha muchipompelu, mwatela kuyinka akwakushimwina makopi hohenohu. Ichi chikuyikwasha akwakushimwina kwiluka nsañu yidi mumagazini henohu kanda ayihani mumudimu wamwiha.

◼ Nkoñi wakutwaminina hela muntu mukwawu atondawu kudi yena watela kuchinda mali achipompelu akakweji waDecember, January, niFebruary. Cheñi nawa bayi muzatishaña muntu yowumu hakuchinda maliku. Neyi munakumishi dehi kuchinda mali, mwatela kubidika kuchipompelu hampinji yikukekala kubidika lipoti yamali.—Talenu Nshimbi yakulondela haKuchinda Mali aChipompelu (S-27).

◼ Kasanji kamutayi hikazatilaña hakusonekesha nyikanda kwamuntu himuntuku. Akwakushimwina atela kusonekesha nyikanda yawu kuhitila muchipompelu. Nkoñi wakutwaminina watela kuloñesha kulonda kwikaleña kubidika hakakweji nikakweji henohu chipompelu kanda chitemeshi woda yanyikanda yahakakweji kumutayi kulonda ejima anakukeña kutambula nyikanda yahalwawu amuleji mana kwetu wazatilaña kunyikanda. Chikuwaha neyi mukwilukila chadimu nyikanda yekala yakusonekesha kwadimena. (Chipompelu chatela kusonekesha nyikanda yadimena neyi kudi antu anakuyikeña.) Mwatela kutemesha literature Request form (S-14) hakakweji nikakweji chakubula kulaba hela chakwila munakukeña nyikanda yantesha hohu.

◼ Ankoñi atalaña jamagazini atela kutala kuvula kwaKaposhi Kakutalila kakudizamu nikakuhana mwiha niAwake! yatambwilañawu. Neyi anakutambwila amavulu chikupu chili antesha chikupu, atela kuhimpa kuhitila mukutemesha Fomu Yakusonekeshelahu Magazini M-202. Ilukenu nenu munateli kuhita tukweji twantesha hakwila nawu mumoni iku kuhimpa.

◼ Yipompelu yatela kutachika kusonekesha mabound volume aWatchtower niAwake! achaaka cha 2007. Mabound volume akekala muEnglish nimuFrench. Chiña neyi mabound volume adi kwoku nawa ayitemesha, neyi nehi yikamwekenaña handandanda yakuloñelahu yuma yachipompelu “yakenza hanyima.” Mabound volume hiyuma yakusonekesha kwadimena.

◼ Nyikanda Yayiha Yidihu:

“Come Be My Follower” (cf)—Chichewa, Cibemba, English, nimuFrench

“Come Be My Follower”—muNsona jamaneni (cflp)—Cibemba, English, nimuFrench

Watch Tower Publication Index 2006 (dx06)—American Sign Language