Yakubidika

◼ Nyikanda yakuhana muApril niMay: Magazini yaKaposhi Kakutalila niAwake! Hampinji yimunakufuntila kudi antu amwekesheli mpwila, kubombelahu niantu awanikili kuChanukishu hela yidika yikwawu yateokalatiki ilaña hiyavula kwinza nakupompaku, fwilenu kuhana mukanda wunakwila nawu Chumanyi Chacheni Chatañishaña Bayibolu? Mwatela kwikala nachikonkwanyi chakutachika kulombola kudiza Bayibolu. June: Chumanyi Chacheni Chatañishaña Bayibolu? Neyi enimatala akweti iwu mukanda, akwakushimwina anateli kuhana mukanda wukweti mafu 192 wasonekelawu hachipapilu chawulombu wafukuluka hela mukanda wudi wejima wasonekeluwu henohu chaaka cha 1992 kanda chishiki. July: Zatishenu mabroshuwa akweti mafu 32 yimukweti.

◼ Kukekala kuzata nañovu kulonda kutiyakesha kupompa kwankambi nikupompa kwanyunza kwamu 2009 kwakekala mukaayi kejima. Akwakushimwina akekala nakukooleka kwakuhana yipapilu yakutambika nachu antu mumaluña awu akushimwina. Kapeni katela kutachika neyi kunashali nyilungu yisatu nakutachika kupompa kwankambi.

◼ Mabaji akayitemeshela akwakushimwina ejima kuhitila muchipompelu. Akawanika kukupompa kwanyunza akazatisha baji yoyimu.

◼ MuMudimu Wetu waWanta waAugust 2007 mwadiña yakubidika yahosheli nawu: “Tunaleki dehi kuhemba maBayibolu amukuma: amuChichewa, Chitonga, chiBemba, Kaondi, Lamba, niSilozi. Mwatela kulanda mumasitolu mwalandishañawu nyikanda.” Tuchidi namaBayibolu aLuvale ilaña talenu yakubidika yidi muMudimu Wetu waWanta wamuJanuary 2008 wahosha nawu “twatela kuhemba chiwahi maBayibolu etu . . . Kuhitila mukwinka hohu atudizi aBayibolu anakuyilaku hambidi, anateli kutaña nawa awanikaña kukupompa. Hitwatela kuyihana mumudimu wamwihaku.”