Yakubidika

◼ Nyikanda yakuhana muOctober: Hanenu magazini yaKaposhi Kakutalila niAwake! Neyi mwiniitala wudi nampwila, mwinkenu tilakiti yaKomana Munakukeña Kwiluka Ñakwilu Yanawa Malwihu? Neyi mwiniitala wudi nayu, mukwakushimwina wukufwila kutachika kudiza Bayibolu nindi. November: Chumanyi Chacheni Chatañishaña Bayibolu? Neyi enimatala akweti iwu mukanda, akwakushimwina anateli kuhana mukanda wukweti mafu 192 wasonekelawu hachipapilu chawulombu wafukuluka hela mukanda wudi wejima wasonekeluwu henohu chaaka cha 1995 kanda chishiki. December: Hanenu mukanda waUmuntu Wakulisha Uwabalile Abako Uwa Mweo. Neyi antu ahosha nawu akweti anyana yinkenu mukanda waSambilileni Kuli Kasambilisha Mukalamba. January: Hanenu mukanda waChumanyi Chacheni Chatañishaña Bayibolu? Neyi enimatala akweti iwu mukanda, akwakushimwina anateli kuhana mukanda wukweti mafu 192 wasonekelawu hachipapilu chawulombu wafukuluka hela mukanda wudi wejima wasonekeluwu henohu chaaka cha 1995 kanda.

◼ Ndandanda yaShikola yaMudimu waTeokalatiki yahachaaka hiyakuyishaña muchamukachi chaMudimu Wetu waWantaku. Ilaña yipompelu yejima yikatambwila ndandanda yahachaaka, nawa atela kulamika ndandanda yimu habodi halamikañawu nsañu Mwitala daWanta. Yikwawu atela kuyihemba kudi nkoñi washikola kulonda azatisheña hakwinka atudizi jimpanji. Akwakushimwina akatwalekahu kutambwila Mudimu Wetu waWanta kakweji nikakweji nawa mwakekalaña ndandanda yaKudiza Bayibolu haChipompelu kwamulungu nimulungu, Shikola yaMudimu waTeokalatiki, niKupompa kwaMudimu.

◼ Kutachika mulungu waMarch 1, 2010, tukadizaña mukanda wunakwila nawu “Chakwikala naMuzañalu muChisaka” haKudiza Bayibolu haChipompelu. Yipompelu yatela kusonekesha iwu mukanda hakusonekesha kukalondelahu.