Chikasha Chalwihu

◼ Indi ejima atela kwiladi hakwila kupompa kwachipompelu kwendi munjila yayiwahi? (Kuhit. 31:12)

Hamuloña wakumulemesha Yehova nikupompa kwatuloñeshelayi, wejima wetu twatela kushika swayi kulonda yatudizishi. Chachiwahi kushakama yitwamu yakumbidi nakushila yitwamu yakunyima akweti anyana anyanya ninana alabaña chakamu. Henohu kupompa kanda kutachiki mwatela kwiluka chikupu nenu jinshiña jenu hijikuluwañesha antuku. Yuma yakuluwañesha yikukeha neyi chakwila ejima anapompi anakwakama Nzambi hampinji yakupompa.—Mukwa. 5:1; Fwi. 2:4.

Neyi chakwila antu amaha anatachiki kupompa, mana kwetu hela muhela wayiluka watela kushakama nawu. Chumichi chachiwahi hama sweje-e neyi akweti anyana anyanya akufumba. Kwinza nakupompa chinateli kwikala chuma chawenyi kudi chisaka chenichi. Neyi dikatachi kwinza nakupompa, atela kukeña kushakama kunyima kukubula kuluwañeshawu antu amakwawu neyi chakwila anvwali anakukeña kwidika hakapinji kantesha kulonda akameni anyana. (Yish. 22:6, 15) Yisaka yikweti anyana anyanya hiyatela kuyileja kushakama mukapeka kacheñi mwatela anyana kwikala akasuluka kuleta ipumbaku. Chachiwahi anvwali kubabesha anyanawu nikuyakamena hanji nakufunta cheñi nawanyana mukachi.

Atulama ekala namudimu wakukwasha antu kupompa munjila yayiwahi mwitala dakudifukwilamu. Akwashaña yisaka yalabaña chakamu kushika kulonda awani iluña dadiwahi dakushakama. Atulama ashañaku muchima nawa ekala nakashinshi hakukwasha amakwawu kulonda ashakami chachiwahi chakadi kuluwañesha antu. Azataña munjila yayiwahi neyi anakukwasha antu anakuluwañesha. Neyi mwana nakusweja kuluwañesha antu amakwawu, atulama atela kukwashana.

Ejima anapompi atela kuletesha kupompa kwendi munjila yayiwahi kulonda tudizi hadi Yehova nikufuukula kwindi kwetuña dadiha daloña nawa dakuwunda.—Heb. 10:24, 25.