Kuhituluka muShikola yaMudimu waTeokalatiki

Awa malwihu adi heshina akayihituluka hakupompa kwaShikola yaMudimu waTeokalatiki mumulungu wakutachika August 30, 2010. Nkoñi washikola wakalombola kuhitulukamu kwajiminiti 20 kushindamena hansañu yadiziluwu munyilungu yakutachika July 5 nakushika haAugust 30, 2010.

1. Indi kutoñojoka chikupu hakulomba kwalombeliyi Solomoni hakwenzununa tembeli kunateli kutukwasha ñahi kulemesha yililu yaYehova? (1 Anya. 8:22-53) [wp09 6/1 ifu 12]

2. Muloñadi chitwatela kuhosha netu Davidi wendeli kumesu aYehova “namuchima wawuwahi” hela chakwila wavulumwini mwamuvulu? (1 Anya. 9:4) [wp08 12/1 ifu 20 mapara. 18-19]

3. Muloñadi mwanta wamumbanda wakuSheba chahosheleliyi nindi: “Ambuñeyi emanaña mafuku ejima kumesu eyi nakutiya maana eyi amona kuwaha”? (1 Anya. 10:4-8) [wp09 4/1 ifu 31 para. 13]

4. Tunateli kuhosha netudi kutalisha hamazu ahosheliyi Yehova nindi Abiya amujiiki chiwahi? (1 Anya. 14:13) [cl-CW ifu 244 para. 11]

5. Chumanyi chadiña chalema kutalisha hampinji yayiliyi Elija nakumuhempula Ahabi katachi? (1 Anya. 17:1) [wp08-CW 4/1 ifu 19, chikasha]

6. Indi Elija watalishili mudi hakuhosha nindi “chimululuta niniku kumukukundama nehi?” (1 Anya. 18:21) [wp08-CW 1/1 ifu 19 mapara. 3-4]

7. Neyi chichamwekeni kudi Elija, indi Yehova wazatishaña ñovu jindi nankeñelwinyi hakukwasha ambuñindi? (1 Anya. 19:1-12) [cl-CW mafu 42-43 mapara. 15-16]

8. Muloñadi Naboti chakaanininiyi kumulandisha Ahabi itempa dindi danyivinyu, nawa tunateli kudizila kwodi kuchuma chamwekeni? (1 Anya. 21:3) [w97-CW 8/1 ifu 13 mapara. 18-20]

9. Munjilanyi mumbanda wakuShunemi ‘mwamwakameneniyi’ Elisha? (2 Anya. 4:8-13) [w97-CW 10/1 ifu 30 mapara. 6-8]

10. Muloñadi Elisha chakaanininiyi yawaana yamwinkeliyi Nayamani? (2 Anya. 5:15, 16) [w05-CW 8/1 ifu 9 para. 2]