Kuhituluka muShikola yaMudimu waTeokalatiki

Awa malwihu adi heshina akayihituluka hakupompa kwaShikola yaMudimu waTeokalatiki mumulungu wakutachika February 28, 2011. Nkoñi washikola wakalombola kuhitulukamu kwajiminiti 20 kushindamena hansañu yadiziluwu munyilungu yakutachika January 3 nakushika haFebruary 28, 2011.

1. Mudimwinyi watachikili kuzatayi Hezekiya hampinji yatachikiliyi kuyuula, nawa tunateli kumwimbujola ñahi makonu? (2 Kushi. 29:16-18) [w09 6/1 ifu 14 para. 13]

2. Indi mukanda wa 2 Kushindulula 36:21 wakonkomwenaña ñahi kushikijewa kwawuprofwetu wasonekawu haYeremiya 25:8-11? [w08 7/1 ifu 10 mapara. 1-4]

3. Indi mukanda waEzera 3:1-6 wamwekeshaña ñahi wunsahu waMunsona wahosha nawu yaaka 70 yashalili Yerusalema mahembi yamanini hampinji yatelela? [w07 10/1 ifu 17 para. 4]

4. Chumanyi chitwadizilaña kukulomba kwasonekawu mumukanda waEzera 9:10-12? [w09 11/1 ifu 18 para. 23]

5. Chumanyi chamwekeni chelili Nehemiya yalombi nakukuhwelela yuma yalombeliyi? (Nehe. 3:2:1-8) [w09 11/1 ifu 17 para. 17]

6. Kalamba Nehemiya wayimikila ñahi ankoñi akwaKristu chakutalilahu chachiwahi? (Nehe. 5:14-19) [w07 8/1 ifu 14 para. 18]

7. Chumanyi chelukiliyi Nehemiya mumutambi wawayilumbu jindi wakwila nawu “twaya tukwati mpuña” nawa muloñadi chalombeleliyi kudi Yehova kulonda ‘yakoleshi makasindi’? (Nehe. 6:5-9) [w07 7/1 ifu 31 para. 14]

8. Tunateli kuzata ñahi nawamabwambu akutwamba, akwankunyi atutwambilaña niana kwetu akutwamba neyi cheliliyi Nehemiya? (Nehe. 6:10-13) [w07 7/1 ifu 32 para. 16]

9. Chumanyi chimwatoñojokaña neyi atena ijina daEsita? (Esita 4:15-5:2) [w07 10/1 ifu 22 para. 17]

10. Chakutalilahwinyi chayimikilayi Esita ambanda akwaKristu hakumanisha kukala kwamwekanaña muchisaka? (Esita 3:2, 4) [w10 10/1 ifu 17 para. 3]