Yakubidika

◼ Nyikanda yakuhana muApril niMay: Hanenu Kaposhi Kakutalila niAwake! Hakufuntila kudi antu amwekesheli mpwila, niantu enjili kuChanukishu hela kukupompa kukwawu kwateokalatiki ilaña hiyenzaña nakupompa mpinji yejimaku, shenu muchima kulonda mutachiki kudiza nawu Bayibolu mumukanda waChatañishaña Bayibolu. MuJune: Chumanyi Chacheni Chatañishaña Bayibolu? Fwilenu kutachika kudiza Bayibolu nawenimatala halwendu lwatachi. Neyi enimatala akweti iwu mukanda, ilaña anakaani kudiza Bayibolu, akwakushimwina anateli kuhana magazini yayikulu hela buloshuwa yidi yejima yinakuhosha hachuma chinakukeña muntu. MuJuly: Munateli kuhana awa mabuloshuwa analondeluhu akweti mafu 32 anateli kukokola antu mwiluña denu: Ilyo Untu Watemwa Afwa, Aspiritu Awafu—Komana Anateli kuKukwasha Hela kuKukatisha? Chalala Ekala Kwoku? niWunatweshi Kwikala lbwambu daNzambi! The Bible—What is Its Message?, Inte sha kwa Yehova Ni Bani?, Nzhila Yaya kuWumi Wahaya Nyaka—Munayiwani?

◼ Neyi kunashali mulungu wumu nakupompa kwankambi, munateli kuhimpa ndandanda kulonda mukahituluki mukufumba niyanukishu yahoshaña hakupompa kwankambi. Chimwahita kakweji kamu hela tuyedi kufuma himwapompeli kupompa kwankambi, munateli kuhituluka muyikuma yinamonuwu akwakushimwina nawu yatela kuyikwasha mumudimu wakushimwina chatela mwikali nampanji yakukaankila kwahenu.

◼ Kutachika muMay, yipompelu yejima yatela kuzatisha Mposu yatachi mukakweji nikakweji kulonda azateña nañovu hakutachika kudizisha enimatala Bayibolu. Yibaaba yamuKaposhi Kakutalila yinakwila nawu “Dizenu Nsañu Yidi Mwizu daNzambi” ayisoneka kulonda akwashi akwakushimwina kutachika kudizisha enimatala Bayibolu. Ifu dakunyima daMudimu Wetu waWanta wakakweji nikakweji dikekalaña nanjila jakuzatisha mutukweji twahambidi, kushilahu ninjila jakuzatisha hakutachika kudizisha antu Bayibolu Mposu yatachi.