Chitwazatili muMudimu waMwiha

Amana kwetu amavulu aeluda niankoñi akuzatila ajiki adiza dehi Shikola Yakudiza Bayibolu Yawamana Kwetu Ajiki, yayidizishaña kukwasha amakwawu mumudimu wakushimwina. Ana kwetu adizaña shikola yeniyi azataña mudimu wakushimwina, kubiña nikutañisha, nikukolesha yipompelu kuspiritu. (Efwes. 4:8, 11, 12) Hamulungu February 27, 2011 amana kwetu aeluda niankoñi akuzatila ajiki 24 amanishili shikola yamu naambala 49 kuLusaka, hanyima yakudiza Bayibolu chikupu hadi tukweji tuyedi. Shikola yeniyi yayikwashaña kwikala ankoñi akwaKristu ashikahu. Antu akushika ku 350 apompeli hamu nakuzañalala nawatudizi hefuku dawu dalema.