Kuhituluka muShikola yaMudimu waTeokalatiki

Awa malwihu adi heshina akayihituluka hakupompa kwaShikola yaMudimu waTeokalatiki mumulungu wakutachika June 25, 2012. Anashumu mafuku itwakahanjekaña chikuma chidi chejima kulonda tusandujoleña hampinji yitunakuloñesha shikola mulungu nimulungu.

1. Chumanyi chitunateli kudizila kudi Yeremiya chapulukiliyi hampinji yakala? (Yere. 37:21) [May 7, w08 10/1 ifu 16 mapara. 18, 19]

2. Indi Yehova wamukiswilili ñahi Ebedi Meleki hamuloña wakumukwasha kaprofwetu kindi Yeremiya? (Yere. 38:8-13) [May 7, w07 2/1 ifu 21 para. 7]

3. Chakutalilahwinyi chatwimikilayi Yeremiya neyi chakwila antu anakutudiwula nikutukañesha? (Yere. 45:2, 3) [May 14, w11 3/15 ifu 14 mapara. 7, 8]

4. ‘Yumanyi yamaneni’ yakeñeleñayi Baruki, nawa Yehova wamukwashili ñahi? (Yere. 45:5) [May 21, w08 10/1 ifu 13 mapara. 7, 8]

5. Hakushimuna kujilumuka kwenjileña hadi Edomi, muloñadi Yehova chashimwiniyi chaambu chekala hadi yena ‘nawakwakumuna nyikabu’ ‘niamakombi’? (Yere. 49:9, 10) [May 28, w07 11/1 ifu 8]

6. Tukudizilaku kwodi kuchuma chamumwekeneni Mwanta Zedekiya hanyima ‘yakudikaña namwanta wakuBabiloni’? (Yere. 52:3, 7-11) [June 4, w10 3/15 ifu 29 mapara. 6, 8]

7. Indi “itanda dakunyendu” yaYehova ‘nitabanaka’ yindi hichumanyi? (Mukeŋa 2:1, 6) [June 11, w07 6/1 ifu 9 para. 2]

8. Indi Yeremiya watalishili mudihi hakuhosha nindi Yehova ‘wukwanukamu wukunoñama mukachi’ kindi, nawa nsañwiyi yalemenadi nankashi kudi etu? (Mukeŋa 3:20) [June 18, w07 6/1 ifu 11]

9. Muloñadi chichalemena neyi muntu yadiza kusenda mpanda yamakabi muwansi? (Mukeŋa 3:27) [June 18, w07 6/1 ifu 11]

10. Indi chakutalilahu chaEzekeli chinateli kutukwasha ñahi kushimwina chakadi woma hela chakwila antu amakwawu anakutudiwula? (Ezek. 3:8, 9) [June 25, w08 7/1 ifu 16 mapara. 6-7]