Kuhituluka muShikola yaMudimu waTeokalatiki

Awa malwihu adi heshina akayihituluka hakupompa kwaShikola yaMudimu waTeokalatiki mumulungu wakutachika June 24, 2013. Anashimu mafuku itwakahanjekaña chikuma chidi chejima kulonda tusandujoleña hampinji yitunakuloñesha shikola mulungu nimulungu.

1. Indi Yesu watalishili mudihi hamazu ahosheliyi asonekawu haYowanu 3:14, 15 nawu: ‘Chanyamwiniyi Mosi kapela hewulu muchinkalampata, dichi chakanyamunawu niMwana kamuntu hewulu’? [May 6, my Mpanji 41]

2. Indi atumbanji twaKristu atambwilaña wumi mudi aweni hela kwikala nawumi wawanina chikupu mpinjinyi? (Yow. 6:53) [May 13, wp08 4/1 ifu 9 para. 1]

3. Tunateli kumwimbujola ñahi Yesu neyi tunakutañisha antu mumudimu wakushimwina? (Yow. 8:28) [May 20, wp08 2/1 ifu 22 para. 10]

4. Chumanyi chitwadizilaña kudi Yesu hampinji ‘yadililiyi’ chafwiliyi ibwambu dindi Lazaru? (Yow. 11:35) [May 20, bh mafu 67-68 mapara. 5, 6]

5. Chumanyi chalema chatudizishiliyi Yesu chawelesheliyi nyendu yawatumbanji twindi? (Yow. 13:4, 5) [May 27, w12 5/15 ifu 29 mapara. 1-2]

6. Indi spiritu yaNzambi yatulombolaña ñahi? (Yow. 14:26) [May 27, w11 12/15 mafu 14-15 para. 9]

7. Indi izu dakwila nawu ‘awa’ dasonekawu haYowanu 21:15 datalisha mudihi, nawa tunateli kudizilaku chumanyi? [June 3, wp08 4/1 ifu 10 para. 12]

8. Kwesekeja naYililu 2:44-47, niYililu 4:34, 35, yililwinyi yatela kwimbujolawu akwaKristu? [June 10, wp08 5/1 ifu 30 para. 5]

9. Komana Setefwanu walombeleña kudi Yesu neyi chasonekawu haYililu 7:59? [June 17, wp08 5/1 ifu 31 para. 2]

10. Kwesekeja naYililu 6:8; 7:60–8:1a, muloñadi chichatamina ‘kulombolewa nachinleji chenu’ hohu? [June 24, w07 11/1 ifu 14 para. 11]