Kulumbulula Yuma Yitwakuhwelela Kutalisha haChaaka cha 1914

Nsona yatulejaña nawu twikali ‘adiloñesha kuhakwilaku’ yuma yitwakuhwelela, ‘nakwila mwenimu nakudizoza nikalemesha kakeni.’ (1 Pet. 3:15) Kuhosha hohu chalala, mpinji jikwawu chatukalilaña kulumbulula nsañu yajiyama yamuBayibolu, chidi neyi yuma yaletesha twiluki netu Wanta watachikili kuyuula mu 1914. Hakwila tumanishi iku kukala, yibaaba yayibalu yiyedi yinakuhosha nawu, “Kuhanjeka naMwiniitala—Indi Wanta waNzambi Watachikili Kuyuula Mpinjinyi?” anayiloñeshi. Iyi yibaaba yidi muKaposhi Kakutalila kitunakuhana mwiha muOctober niNovember. Chimukutañaña iyi yibaaba, talenu hamalwihu adi heshina anakumwekesha njila yazatishiliyi Kameroni, mukwakushimwina wunashimunuwu mumpanji.

Indi Kameroni . . .

• wazatishili ñahi mazu akuhameka kulonda yawani hakuditejela namwiniitala?—Yil. 17:22.

• wamwekesheli ñahi kudizoza hakulumbulula yuma yakuhwelelayi?—Yil. 14:15.

Kuwahanyi kwafumineña . . .

• mukwihihisha nsañu yahosheleñayi henohu kanda yawejeluhu yikuma yikwawu?

• mukuhudikila chanti hampinji hampinji nikwihula mwiniitala neyi natiyi nsañu yinalumbululiyi?

• mukubula kuhosha nsañu yayivulu hampinji yimu?—Yow. 16:12.

Twatela kumusakilila Yehova, ‘Nleji yetu Muneni,’ hakutuleja chitwatela kulumbulula nsañu yajiyama yamuBayibolu kudi antu adi nanzala.—Isa. 30:20.