Yakubidika

◼ Nyikanda yakuhana muJune: Chumanyi Chacheni Chatañishaña Bayibolu? hela awa matilakiti: Indi Bayibolu mwayimonaña ñahi?, Komana mwatoñojokaña nenu chihandilu chakekala ñahi kumbidi?, Chumanyi chinateli kuleta muzañalu muchisaka?, Hinyi wayuulaña kanu kaayi? Komana makabi amba kamana? niKomana afu amba kahanda cheñi? July niAugust: Nsañu Yayiwahi Yinafumi Kudi Nzambi! MuSeptember: Magazini aKaposhi Kakutalila niAwake!.

◼ Mwatela kusoneka matilakiti ejima niyipapilu yakutambika nachu antu yimwenkeli antu niyimwashili hamatala himwabulili kuwana antu, hakusoneka chileji chenu hakumana kwakakweji, sonekenu hanasonekuwu nawu “maBuloshuwa nimaTilakiti.” Neyi muntu namwekeshi mpwila nawa natambuli mukanda hela tilakiti, mwatela kuzata nañovu kulonda mwakafuntiku cheñi kudi iwu muntu.

◼ Kutachika mumulungu waOctober 19, 2015, haKupompa kwaKudiza Bayibolu haChipompelu tukadizaña mukanda waImbujolenu Chikuhwelelu Chawu. Yipompelu yinakukeña nawu akayitemesheli iwu mukanda yatela kusonekesha hampinji yakusonekesha nyikanda. Akwakushimwina anakukeña kuloñolola iwu mukanda hayozelu yawu atela kuloñolola kufuma ha jw.org/lun.

◼ Kutachika naKaposhi Kakutalila kakudizamu kaJuly 15, 2015 nikawantu amavulu kaJuly–August, 2015, kakwikalañaku nimwidimi daMambwe-Lungu.

◼ Yipompelu yatela kusonekesha makaadi aKulema Kwañovu Yehaku aDPA akwinka akwakushimwina apapatishewa hela makaadi awakwakushimwina abula kupapatishewa nianyana. Zatishenu fomu yakusonekeshelahu nyikanda yaS-14 hela sonekeshenu kuzatisha www.jw.org. Ichi tunaleki kutemesha awa makaadi kuyipompelu neyi chitwelileña dikalu.