Chitwazatili muMudimu waMwiha

◼ Yuma Yinamwekani muchinu Chaaka: Kakweji kaMay kadiñi kalema nankashi munyidimu yaNzambi muZambia. KuKabompo, kukabeta kakumujika, Kasanji Kakubalumwinahu Nyikanda katachi akihanini. Kakweti tusanji nimwakukama amanakwetu abalumunaña idimi daLuvale. Hakwila nawu iwu mudimu weneni wumani mwahitili yaaka yisatu yakuzata nañovu nikutoñojoka chakutuña. Hatukweji twatuñileñawu twakubadika ha 15, kwadiña amanakwetu 30 afumini kumatuña 5 kushilahu niamanakwetu nawahela amudina iluña eluka kutuña azatili nañovu kuniwu mudimu.

Tudi namuzañalu hakuyileja cheñi netu mukakweji kokamu edishili Bayibolu yaNew World Translation of The Holy Scriptures mwidimi daLuvale. Wenowu muzañalu watiyiluwu amanakwetu ahoshaña idimi daLuvale hakwikala naniyi Bayibolu muloña mwekala ijina daNzambi, yoloka nawa yaswayi kutiya nikuzatisha mumudimu wakushimwina. Dichi ejima wetu tutwalekenuhu kwikala anuñañana hakuleja ‘antu nimadimi ejima’ kulonda amwiluki Yehova niWanta windi—Chim. 7:9; Mat. 24:14.