Neyi Muwanahu Mwana Hetala

Neyi muwanahu mwana hetala, mulejenu kulonda muhanjeki nawanvwali jindi. Chumichi chamwekeshaña nawu twalemesha mutu wachisaka. (Yis 6:20) Neyi mwana yatuleja nindi tushakami, twatela kukaana. Neyi anvwali jindi hosiwu, twatela kufuntaku mpinji yikwawu.

Neyi mwana wakula dehi, hadaha wudi muyaaka yawukampululu, chikuwaha niyena neyi tukulomba lusesa kudi anvwali jindi. Neyi anvwali jindi hosiwu, tunateli kumwihula neyi amwiteja kutonda nsañu yakeñayi yinateli kutañayi. Neyi amwiteja, tunateli kumwinka nyikanda hela kumuleja ha jw.org.

Neyi tunakufuntila kudi kampululu wamwekesheli mpwila, twatela kudimona nawanvwali jindi. Kwila mwenimu kukutukwasha kulumbulula nkeñelu yitunenjili nikuyileja nsañu yalala nikufumba kwalala kwekala muBayibolu kwahosha hayisaka. (Mas 119:86, 138) Neyi tuyilemesha nikuyakamena anvwali, chumichi chikwikala wunsahu wawuwahi nawa chinateli kutwinka kukooleka kukwawu kwakuhanjeka nanichi chisaka nsañu yayiwahi.—1 Pe 2:12.