Kuwahisha Njila Jetu Jakushimwinamu—Kushiika Antu Hanyichima Kuzatisha Mukanda “waShakamenu Mukukeña kwaNzambi”

CHIKWALEMENA: Antu atela kudiza nshimbi jaYehova nikujovwahila hakwila nawu adifukuleña kudi yena munjila yetejayi. (Isa 2:3, 4) Mukanda “waKukeña kwaNzambi” mukanda wetu wamuchiyedi wakudizamu, wakwashaña atudizi aBayibolu kwiluka yishina yamuBayibolu chiyinateli kuyikwasha muchihandilu. (Heb 514) Twatela kuyishika hanyichima hampinji yitunakuyidizisha kulonda ahimpi yilwilu yawu.—Rom 6:17.

YUMA YIMWATELA KWILA:

• Loñeshenu chiwahi nawa ilukenu yuma yatela kuhimpayi kadizi wenu. Loñeshenu malwihu akutoñojokahu akuyikwasha kwiluka chinakutoñojokayi nichinakutiyayi hansañu yimunakudiza.—Yish 20:5; be-CW 259

• Zatishenuña yikasha yejima yidi mumukanda kulonda kadizi wenu yeluki chichawahila kuzatisha nshimbi yamuBayibolu

• Mukwashenu kadizi wenu yeluki chinateli kuzatishayi chinleji, ilaña bayi mumufuukwilaku.—Ŋal 6:5

• Zatishenu maana kulonda mwiluki neyi kadizi wenu nakukeña wukwashu wakuzatisha yishina yikwawu yamuBayibolu. Mukoleshenu munjila yayiwahi yahimpi kwesekeja nachamukeñayi Yehova.—Yis 27:11; Yow 14:31