CHATELA KUSHAKAMAWU AKWAKRISTU
Chimunateli Kudiza Chikupu Nyikanda Yajila
Komana munakufwila kwikala ashinshika mukweseka neyi chadiñayi Danyeli? Danyeli wadizili chikupu Izu daNzambi kushilahu niwuprofwetu wakunama. (Dan 9:2) Kudiza chikupu Bayibolu kunateli kuyikwasha kutwalekahu kwikala ashinshika. Munjilanyi? Mukusweja kukuhwelela chikupu nenu yikaninu yaYehova yakashikijewa. (Yos 23:14) Kukuyikwasha cheñi kusweja kumukeña Nzambi nawa chumichi chikuyikwasha kwila yuma yayiwahi. (Ms 97:10) Hanu dinu munateli kutachika ñahi? Talenu njila jimunateli kulondela.
Yumanyi yinatela kudiza? Kudiza kwakuwahi kwabombelamu kuloñesha kupompa. Kudiza Bayibolu kwamulungu nimulungu kunateli kuyikwasha neyi musandujolaña yikuma yimunabuli kutiyishisha. Kubombelahu, antu amakwawu atondañahu kudiza wuprofwetu wamuBayibolu, hanyikaabu yashiyashana yaspiritu yaNzambi, hamudimu wawumishonali wazatiliyi kapostolu Pawulu hela hayileñaleña yaYehova yamwekanaña. Neyi muwana nsañu yimu yimunabuli kutiyishisha muBayibolu, yisonekenu kulonda mwakayisandujoli mpinji yimwakadizaña cheñi.
Kudihi kunatela kuwana nsañu? Neyi munakukeña njila jikwawu, talenu vidiyo yaYozelu Yinateli Kutukwasha Kuwana Yuma Yalema yakuSpiritu. Hakwila mwiluki nenu muneluki chakusandujola, sandujolenu hadi matuña añovu emenañaku anyama amwisaña ayisumi ashimunawu muDanyeli kapetulu 7.
Maora añahi inatela kudiza? Kudiza mpinji yejima kukuyikwasha kwikala akola kuspiritu. Munateli kutachika kudiza hakapinji kantesha, neyi chinatwesheki, munateli kutachika kudiza chovu-chovu hadi mpinji yeneni. Kudiza Izu daNzambi kudi neyi kukeñakeña maheta alema aswekawu. (Yis 2:3-6) Mukusweja kwiluka Izu daNzambi, nawa mukutwalekahu kudiza Bayibolu mpinji yejima.—1Pe 2:2.
ANYAMA AYISUMI ADI MUDANYELI KAPETULU 7 EMENAÑAKODI?
MALWIHU AMAKWAWU:
Indi Danyeli 7:8, 24 yashikijeweli ñahi?
YUMA YIMWAKADIZA CHEÑI:
Atunyama ashimunawu muChimwekeshu kapetulu 13 emenañaku chumanyi?