Kuwahisha Njila Jetu Jakushimwinamu—Kuzatisha Malwihu Chiwahi

CHICHALEMENA: Neyi “yitoñojoka yekala mumuchima wamuntu yidi neyi inyiñi” dikwila nawu malwihu adi neyi mbeketi yakuyitahamu. (Yis 20:5 NWT) Malwihu atukwashaña kuhanjeka nawantu. Ñakwilu yamalwihu amawahi yatukwashaña kwiluka chinakutoñojokayi muntu. Yesu wazatishileña malwihu chiwahi. Tunateli kumwimbujola ñahi?

YUMA YIMWATELA KWILA

• Ihulenu malwihu akuletesha muntu yatoñojoki. Yesu wehwileña malwihu amavulu kulonda yeluki chatoñojokeleña atumbanji twindi. (Mat 16:13-16; be 238 ¶3-5) Malwihwinyi akuletesha muntu kutoñojoka imwatela kwihula?

• Ihulenu malwihu akuletesha yawani ñakwilu yomweni. Hakwila nawu yololi yitoñojoka yaPetulu, Yesu wehwili malwihu nikuhana ñakwilu yaletesheli Petulu yawani ñakwilu yalala. (Mat 17:24-26) Malwihwinyi imwatela kwihula akuletesha muntu yawani ñakwilu yayiwahi?

• Muhamekenu. Chelili nsoneki ‘yaakuli chiwahi’ Yesu wamuhamekeli. (Mak 12:34) Munateli kumuhameka ñahi muntu wunakuli lwihu?

TALENU CHIBALU CHATACHI CHAVIDIYO YINAKWILA NAWU ZATENU MUDIMU WAZATILIYI YESU—KUDIZISHA, KUHIÑAHU AKULENU MALWIHU ANALONDELIHU:

• Muloñadi iyi chiyinekalili njila yatama yakudizishilamu hela chakwila anahoshi nsañu yalala?

• Muloñadi chitwatela kubula kukumina dakulumbulula nsañu?

TALENU CHIBALU CHAMUCHIYEDI CHAVIDIYO YINAKWILA NAWU ZATENU MUDIMU WAZATILIYI YESU—KUDIZISHA, KUHIÑAHU AKULENU MALWIHU ANALONDELIHU:

• Manakwetu nazatishi ñahi malwihu chiwahi?

• Yumanyi yikwawu yitwatela kwimbujola chinadizisheñayi?