Yilwilu Yayiwahi niKalemesha Jinateli Kumukokola Muntu

Yilwilu yayiwahi yamukwaKristu wasumbuka diyaleñelaña nfumwindi kwiteja chalala. Hela chochu, chakeñekaña kuumika yihuñu hadi yaaka yayivulu. (1Pe 2:21-23; 3:1, 2) Neyi anakuyikabisha, twalekenuhu kwimika mushindu kutama kuhitila mukwila yuma yayiwahi. (Rom 12:21) Hadaha anfumwenu akuyitiyililaña wanyi neyi munakuyishimwina ilaña neyi amona yilwilu yenu yayiwahi, anateli kukeña chalala.

Esekenuña kumona yuma neyi chinakuyimonayi nfumwenu. (Fwi 2:3, 4) Mwekeshenuña luwi niwushona nawa zatenu nañovu kulonda mushikijeña mbadi yenu hamu neyi mumbanda. Ikalenu akwakutiyilila. (Yak 1:19) Ikalenu adiwunjika nawa mwekeshenu nenu mwakeña mwinikwenu. Hela chakwila mwinikwenu hayitiyilaña luwi hela kuyilemeshaku, mwatela kwiluka nenu Yehova wazañalalaña chimwashinshika.—1Pe 2:19, 20.

TALENU VIDIYO YAYEHOVA WATUKOLESHAÑA KUSENDA YITELI YETU, NAWA AKULENU AWA MALWIHU:

• Yuma yadiña ñahi muwulu wamuhela Grace Li hadisumbwiliwu?

• Chumanyi chamusañumwini kudiza chalala chamuBayibolu?

• Muhela Li womikili ñahi kukala hanyima yakupapatishewa?

• Chumanyi chalombeliyi Muhela Li kutalisha hadi nfumwindi?

• Yumanyi yinakudiluñishayi Muhela Li muloña wakwikala nayilwilu yayiwahi nikalemesha?