CHATELA KUSHAKAMAWU AKWAKRISTU
‘Fumishenu Ankishi Mukachi Kenu’
Hela chakwila Yehova wadiña kanda yashiku lushimbi lwahosha hakupesha, Yakoba welukili nindi watela kudifukula hohu kudi Yena nkawindi. (Kwi 20:3-5) Chelili Yehova yamuleji kufunta kuBeteli, Yakoba wayilejeli ejima adiñayi nawu kunata ankishi ejima. Yakoba wanatili ankishi ejima, kushilahu nituzeya, twavwalileñawu kumatu hadaha twadikiñileñawu nachu kudi aspiritu atama. (Kut 35:1-4) Chakadi nikujina Yakoba wamuzañalesheli Yehova.
Makonu, tunateli kudifukula ñahi kudi Yehova hohu? Twatela kutondolwela yuma yejima yakundama kukupesha hela kupanda. Munabombeli kunata yuma yejima yahoshaña hansañu yakupesha nikushinshika chikupu yisela yitwakeña. Chakutalilahu, dihulenu nenu: ‘Komana nyikanda nimafilimu inakeña mwabombela yuma yidi neyi yishimukulu, nyisalu hela kuhoña? Komana yamwekesha majiki, kusakula nayinjikijilu hela kushiñana kwamwekanaña neyi hichisela hohu?’ Twatela kutondolwela yuma yejima yahelayi Yehova.—Ms 97:10.
TALENU VIDIYO, “DIKAÑENU NADIYABOLU,” NAWA AKULENU AWA MALWIHU:
Kukalanyi kwamweniyi kadizi waBayibolu, Palesa?
Muloñadi chichawahila kulejamu akulumpi neyi mudi nakukala munadibombeli kupesha?
“Dikañenu naDiyabolu, nawa swinenu kwakwihi naNzambi—Yak 4:7, 8
Yumanyi yatela kulekawu chikupu ejima anakukeña nawu Yehova yayikiñeña?
Chumanyi chashikeneni kwilayi Palesa?
Yumanyi yelañawu mwiluña denu yakundama kudi andemoni yimunateli kutondolwela?