Yuma Yamwekeshaña Nkisu jaYehova

8:6-9, 12; 9:1-5, 23, 24

Yehova watemesheli kesi nakwocha nyilambu yakushita yatachi hamuswanyikileñawu Aroni nianyanindi kwikala atupristu. Chumichi chamwekesheli nawu Yehova wetejeli iyi ntanjikilu. Yehova wakolesheli muza wawaIsarela wapompeli kuzatila hamu nawatupristu. Makonu Yehova nakuzatisha Yesu Kristu hamu neyi Kapristu Muneni wabadika. (Heb 9:11, 12) Mu 1919, Yesu watondeli kadizanvu kanyanya kawawayishewa kwikala “nduñu wamaana nikashinshi.” (Mat 24:45) Wunsahwinyi wunakumwekesha nawu nduñu washinshika amukiswilaña kudi Yehova, amukwashaña nawa amwiteja?

• Hichikweti muloña namakabisha amonañayiku, nduñu washinshika natwalekihu kuloñesha yakuda yakuspiritu

• Neyi chaprofweteleñawu dehi, nsañu yayiwahi anakuyishimwañena “mwahita iseki dejima mwashakamawu antu.”—Mat 24:14

Tunateli kumukwashaku ñahi nduñu wamaana nikashinshi?