Tondenuña Chiwahi Amabwambu

Akwakristu atela kudizila kuchuma chayimwekeneni aIsarela muyana yakuMowabi. (1Ko 10:6, 8, 11) A Isarela atachikili kudikunda nawambanda ayivumbi akuMowabi nawa adifukwileña kudi ankishi, akoñeli nshidi yasweja. Chumichi chayileteleli kukala kweneni. (Kuc 25:9) Twekalaña nawantu abulaña kudifukula kudi Yehova adi neyi; akwetu mutwazatilaña, mutwatañilaña, antuñi netu, antaña niantu itwadiluka nawu. Yumanyi yitwatela kudizila kuniyi nsañu yamuBayibolu kutalisha hakukala kwafumaña mukudikunda nawantu atama?

TALENU VIDIYO YA YUMA YITWATELA KUDIZILAKU MAKONU​—KACHIBALU, NAWA AKULENU AWA MALWIHU:

• 

  Yitoñojokanyi yatama yamulejeleñawu Yamini kudi Zimiri niakwawu?

• 

  Fwinehasi wamukwashili ñahi Yamini kwiluka chiwahi yuma?

• Chambwinyi chidi hakachi kakuhanjeka namuntu wabula kwitiya nakwikala ibwambu dindi?

• Muloñadi chitwatela kwikala asoñama hakutonda amabwambu nimuchipompelu?

• Muloñadi chitwatela kutondolwela kwikala mumazanvu akuhanjeka nawantu itwabula kwiluka haintaneti?