Njila Jisatu Mutwamushindamenaña Yehova

Davidi wamujahili Goliyati muloña wamushindameneni Yehova. (1Sa 17:45) Yehova watiyaña kuwaha kukwasha ambuñindi. (2Ku 16:9) Njilanyi mutunateli kumwekeshela netu twamushindamena Yehova chatela tudishindameni etu aweni? Tuhanjekenu hanjila jisatu:

• Lombenuña mpinji yejima. Bayi mulombaña hohu nenu yayanakeni hanyima yakukoña chiluwaku, mwatela nikulombaña nenu yayinki ñovu yikuyikwasha kuumika henohu kanda mukoñi chiluwa. (Mat 6:12, 13) Bayi mulombaña hohu nenu Yehova yayikiswili hanyima yakufuukulaku, ilaña mwatela kulomba nenu yayikwashi nikuyinka maana henohu kanda mufuukuli.—Yak. 1:5

• Ikalenu nandandanda yakutaña Bayibolu nikudiza. Tañenuña Bayibolu mafuku ejima. (Ms 1:2) Toñojokenuña hadi antu ashimunawu muBayibolu, nawa zatishenuña yuma yimunakudizilaku. (Yak 1:23-25) Loñeshenuña henohu kanda muyi nakushimwina chatela mushindameneña hayuma yimweluka. Hakwila muhetelimu hakupompa loñeshelenuña chadimu

• Zatilenuña hamu nakuloñesha kwaYehova. Ilukenuña nshimbi jajiha jinashiku kuloñesha nawa nyakalenu kujovwahila. (Kuc 9:17) Ovwahilenuña neyi akulumpi anayifumbi hela ayileja mwakwilila.—Heb 13:17

TALENU VIDIYO YAHITWATELA KUTIYA WOMA NEYI ANAKUTUKABISHAKU, NAWA AKULENU AWA MALWIHU:

• Yumanyi yayitiyishili amanakwetu niahela woma?

• Yumanyi yayikwashili kuleka kutiya woma?