Mwamonaña Chakulañayi Nzambi Kulomba Kwenu?

MuBayibolu mwekala kulomba kwakuvulu kwakwiliyi Yehova. Ambuña Nzambi chamweniwu nawu Yehova natiyi nyaabu yawu nawa nayikwashi, chakadi nikujina chikuhwelelu chawu chakoleleliku. Dichi, mulejenuña Yehova yuma yejima mukulomba nawa musheñaku muchima kulonda mumoneña chikwakulayi kulomba kwenu. Nawa mwanukeña nenu mpinji yikwawu nateli kwakula munjila yambukaku hela kuyinka yuma yayivulu kubadika yimwalombeli. (2Ko 12:7-9; Efw 3:20) Yumanyi yinateli kutwinkayi Yehova neyi tumulomba?

• Nateli kutwinka ñovu, kuwunda kwamuyitoñojoka, hela chikuhwelelu chakola kulonda tuumiki kukala kutunakumona.—Fwp 4:13

• Maana akutukwasha kufuukula chiwahi.—Yak 1:5

• Ñovu nimuchima wakukeña kuzata.—Fwp 2:13

• Kubula kusweja kwakama hampinji yitudi mukukala.—Fwp 4:6, 7

• Wukwashu wakumujimba niwakuspiritu kufuma kudi amanakwetu. —1Yo 3:17, 18

• Kukwasha antu itwalombelañaku.—Yil 12:5, 11

TALENU VIDIYO ‘YAYEHOVA WATIYAÑA MWALOMBAÑAWU ANTU,’ NAWA AKULENU AWA MALWIHU:

• Yumanyi yitukudizila kudi Manakwetu Shimizu neyi kudi nyidimu yitunakukañanya kuzata muloña wayikatu?

• Tunateli kumwimbujola ñahi Manakwetu Shimizu?