JANUARY 15-21

YUMA YALEMA YAMWIZU DANZAMBI

1. Kuhwelelenu muChikaninu chaNzambi chaWumi Wahaya Nyaaka

(10 min.)

Yehova yomweni washakamaña haya nyaaka (Yob 36:26; w15 10/1 13 ¶1-2)

Yehova wukweti maana niñovu yakwakamena wumi (Yob 36:27, 28; w20.05 22 ¶6)

Yehova watulejaña chitunateli kwikala nawumi wahaya nyaaka (Yob 36:4, 22; Ywn 17:3)

Kukuhwelela netu Yehova watukana wumi wahaya nyaaka chatukwashaña kuumika kukala muchihandilu.—Heb 6:19; w22.10 28 ¶16.

Antu anakutiya kuwaha muParadisa. Anyana anakuhema namutupa, mumbanda nakwati basiketi mudi mafu, nawa adisumbula anakutiya kuwaha kuzata nikunooka mwitempa.

2. Yuma Yalema yakuSpiritu

(10 min.)

Yob 37:20—Nsañu yendeleña ñahi mumatuña ashimunawu muBayibolu? (it-1 492)

Ñakwilu yenu
Yumanyi yalema yakuspiritu yimwawana mukutaña Bayibolu onu mulungu yimukutuleja?

Ñakwilu yenu

3. Kutaña Bayibolu

(4 min.) Yob 36:1-21 (th kudiza 2)

SHENU MUCHIMA HAMUDIMU WAKUSHIMWINA

4. Tachikenu Kuhanjeka

(3 min.) KUSHIMWINA KUDI ANTU AMAVULU. (lmd kudiza 3 chikuma 3)

5. Funtilenuku

(4 min.) KWITALA NIITALA. (lmd kudiza 2 chikuma 5)

6. Lumbululenu Yuma Yimwakuhwelela

(5 min.) Mpanji. ijwfq 57 ¶5-15—Mutu: Muloñadi aYinsahu jaYehova chayikabishililiwu muMpinji yaNazi? (th kudiza 18)

CHATELA KUSHAKAMAWU AKAKRISTU

7. Diloñeshenu Neyi Mukata Chikatu Chikukeñeka Yitumbu hela Kuyiladika

(15 min.) Kuhanjeka. Akuyihana kudi mukulumpi.

Kuloñesha kwaYehova kwatwinka yozelu yatukwashaña kwovwahila nshimbi jaNzambi kutalisha hamashi. (Yil 15:28, 29) Komana mwayizatishaña?

Kaadi yaMashi (DPA) niIdentity Card (ic): Awa makaadi ashimuna chinakukeñayi muyeji kumuuka neyi munadibombeli kuzatisha mashi. Akakushimwina apapatishewa anateli kutambula kaadi yaDPA niyawanyana yaIdentity Card kudi manakwetu watalaña kunyikanda. Awa makaadi twatela kwendaña nawu mpinji yejima. Neyi munakukeña kufiliña, bayi mukwata kumatahuku.

Nsañu yaWantu Alema haMujimba [Expectant Mothers (S-401)] niNsañu Yahosha Hadi Ayeji Anakukeñeka Kuyiladika [Patients Requiring Surgery or Chemotherapy (S-407)]: Iyi nsañu yinateli kuyikwasha kudiloñesha hanjila yakuyuukilamu, ninsañu munabombeli mashi. Yilejenu akulumpi ayinki fomu neyi mwalema hamujimba hela neyi munakukeña kuyiladika hela kuyuuka kansa.

Kometi Yatiyañanaña naYipatela (HLC): Antu ekala muniyi kometi, hiyakulumpi ashikahu nawa adiloñesha kuleja andotolu niakakushimwina nsañu munabombeli kuzatisha mashi. Anateli kuyileja andotolu njila yayiwahi yakukilamu chakadi kuzatisha mashi. Neyi chinatwesheki, anateli kuyikwasha kuwana ndotolu wukuyuuka kwesekeja nachimunafuukuli. Azataña mpinji yejima, nawufuku ninamwana, nyilungu yejima. Yitemeshelenu akaHLC swayi-swayi neyi anayitenteki muchipatela, kuyiladika hela kuyuuka kansa, hela chakwila chinakumwekana neyi mukudibombela mashi wanyi. Dichatela kwilawu niahela alema hamujimba. Neyi munakukeña wukwashu, lejenu mukulumpi ayinki naamba yawamanakwetu ekala muHLC.

Vumishenu VIDIYO yinakwila nawu Kometi Yatiyañanaña naYipatela—Atukwashaña Ñahi? Kuhiñahu ihulenu izaza nenu:

Kometi yatiyañanaña nayipatela yinateli kuyikwasha ñahi neyi munakukeña kuyuuka hela kuyiladika?

Ñakwilu yenu

8. Kudiza Bayibolu haChipompelu

(30 min.) bt kape. 4 ¶9-12, chikasha chidi hefu 34