FEBRUARY 19-25

MASAMU 8-10

Kamina 2 niKulomba | Mazu Akutachikila (1 min.)

YUMA YALEMA YAMWIZU DANZAMBI

1. “Nukukushimeka, Eyi Yehova”!

(10 min.)

Yehova wasweja kutukeña nankashi (Ms 8:3-6; w21.08 3 ¶6)

Twamushimekaña Yehova kuhitila mukulejaku amakwawu nyidimu yindi yakuhayamisha (Ms 9:1; w20.05 23 ¶10)

Twamushimekaña cheñi neyi twimba namuchima wejima (Ms 9:2; w22.04 7 ¶13)

Nyevulu: Njila yitunateli kumushimekelamu Yehova. 1. Muhela wakula dehi nakushimwina kudi nhembi. 2. Amanakwetu niahela nakwimba hakupompa. 3. Kansi weyala nemiki chikasa nakwakulahu hakupompa kwachipompelu. 4. Kansi weyala nakuwahisha mwitala daWanta. 5. Muhela wakansi nakushimwina mukwawu mwatañilañawu.

DIHULENU NENU, ‘Njilanyi jikwawu munatela kumushimekela Yehova?’

2. Yuma Yalema yakuSpiritu

(10 min.)

Ms 8:3—Ñimbi yaMasamu watalishili mudihi hakutena nyinu yaNzambi? (it-1 832)

Ñakwilu yenu
Yumanyi yalema yakuspiritu yimwawana mukutaña Bayibolu onu mulungu yimukutuleja?

Ñakwilu yenu

3. Kutaña Bayibolu

(4 min.) Ms 10:1-18 (th kudiza 11)

SHENU MUCHIMA HAMUDIMU WAKUSHIMWINA

4. Tachikenu Kuhanjeka

(3 min.) KWITALA NIITALA. Mwini itala nayileji nindi wakuhwelela mudi Nzambi wanyi. (lmd kudiza 5 chikuma 4)

5. Funtilenuku

(4 min.) KUSHIMWINA WUNSAHU WAMUMPANJI. Chimwenjili, mwini itala wayilejeli nindi wakuhwelela mudi Nzambi wanyi, ilaña wakasunuka kuhanjeka hawunsahu wunakumwekesha nawu Nleñi wekala kwoku. (th kudiza 7)

6. Mpanji

(5 min.) w21.06 6-7 ¶15-18—Mutu: Kwashenu Atudizi Enu aBayibolu Amushimekeña Yehova. (th kudiza 10)

CHATELA KUSHAKAMAWU AKAKRISTU

Kamina 10

7. Chakushimwina Wunsahu wamuMpanji Munjila Yayiwahi

(10 min.) Kuhanjeka.

Njila yimu mutunateli kumushimekelamu Yehova hikushimwina antu itwawanaña kunyidimu yitwazataña. (Ms 35:28) Hakusambila, tunateli kutiya woma kuyishimwina. Hela chochu, neyi twiluka chakutachika nikutwalekahu kuhanjeka chiwahi nawantu, tukwiluka chakushimwina chiwahi wunsahu wamumpanji nawa tukwikala namuzañalu!

Kachibalu kanafumishiwu muvidiyo yinakwila nawu “Diloñeshenu Kulejaku Amakwawu “Nsañu Yayiwahi yaKuwunda.” Muhela natachiki kuhanjeka namuntu wunashakami kwakwihi nayena mwiluña dakudila.

Vumishenu VIDIYO yinakwila nawu Diloñeshenu Kulejaku Amakwawu “Nsañu Yayiwahi yaKuwunda”—Tachikilenuñahu. Kuhiñahu ihulenu izaza nenu:

Yumanyi yimwadizila kuniyi vidiyo yinateli kuyikwasha kushimwina chiwahi wunsahu wamumpanji?

Ñakwilu yenu

Yuma yinalondelihu yinateli kuyikwasha kwiluka chakutachika:

Ikalenu adiloñesha kutachika kuhanjeka chimwafuma hohu hetala denu. Lombelenuhu. Mulombenu Yehova ayilomboli kudi antu adi nanyichima yakufwila kudiza.
Ikalenu akasunuka nawa mwekeshenu nenu mwayakamenaña antu imunawahi. Mwihulenu muntu nsañu yimu yikuyikwasha kwiluka enu chalala chamuBayibolu chinateli kumushika hamuchima
Wanenu njila yakutambwilamu naamba yindi, neyi chinatwesheki
Bayi mutiya kutama neyi mukuhanjeka mwakañanya kushimwina wunsahu wamumpanji
Toñojokenu hadi owu muntu hanyima yakuhanjeka. Twalekenuhu kumwekesha nenu mwamwakamena kuhitila mukumutemeshela linki yavasi yamuBayibolu hela chibaaba cha jw.org

Esekenu Kuzatisha Iyi Njila: Neyi muntu ayihula nindi, ‘Yuma yenda ñahi kunsa yamulungu,’ mulejenu yuma yimwadiza hakupompa hela hamudimu wumwazataña wakutañisha Bayibolu.