MAY 6-12

YUMA YALEMA YAMWIZU DANZAMBI

1. “Bayi Wutiya Kutama Muloña Wawantu Atamaku”

(10 min.)

Antu atama atukabishaña nikututiyisha chikela (Ms 36:1-4; w17.04 10 ¶4)

Kuhembela ndulu “antu elaña yatama” kunateli kutukatisha kumuchima (Ms 37:1, 7, 8; w22.06 10 ¶10)

Tukwikala nakuwunda kwamuyitoñojoka neyi tukuhwelela muyikaninu yaYehova (Ms 37:10, 11; w03 12/1 13 ¶20)

Muhela wunakameni nakutaña nsañu hafoni yindi. Namoni mwevulu wunakumwekesha muntu nazuwi, kapokola nakutambula majika kanwa, mashidika anakulozana namata awu, muntu wudi nawuta mwiluña mwakuhembela nyotoka, makombi anasendi yuma yineyiwu, antu anakuleta mapumba niantu atachi kushika hadi maposu ahamukwakwa.

DIHULENU NENU, ‘Komana natiyililaña chikupu kunsañu yinakumwekana yawantu anakwila yuma yatama?’

2. Yuma Yalema yakuSpiritu

(10 min.)

Ms 36:6—Ñimbi yaMasamu watela watalishili mudihi chahosheliyi nindi kuloña kwaYehova kudi “neyi mpidi jamaneni” [hela, “neyi mpidi jaNzambi,” tth.]”? (it-2 445)

Ñakwilu yenu
Yumanyi yalema yakuspiritu yimwawana mukutaña Bayibolu onu mulungu yimukutuleja?

Ñakwilu yenu

3. Kutaña Bayibolu

(4 min.) Ms 37:1-26 (th kudiza 10)

SHENU MUCHIMA HAMUDIMU WAKUSHIMWINA

4. Tachikenu Kuhanjeka

(3 min.) KWITALA NIITALA. (lmd kudiza 1 chikuma 5)

5. Funtilenuku

(4 min.) KUSHIMWINA WUNSAHU WAMUMPANJI. Tachikenu kudizisha muntu Bayibolu wakaanahu dehi kunyima. (lmd kudiza 9 chikuma 4)

6. Mpanji

(5 min.) ijwbv 45—Mutu: Masamu 37:4 yatalisha mudihi? (th kudiza 13)

CHATELA KUSHAKAMAWU AKAKRISTU

7. Munadiloñeshi “muMpinji Yayihuñu”?

(15 min.) Kuhanjeka.

Amanakwetu niahela mukaayi kejima anakukabakana nikufwa muloña wawubanji wadimwekenaña niwakojejañawu kudi antu. (Ms 9:9, 10) Oku kuhalwa, “mpinji yayihuñu” yinateli kutushikena kala mpinji, dichi twatela kudiloñesha chadimu.

Kubombela hakudiloñesha,a kumujimba, yumanyi yinateli kutukwasha kuumika neyi wubanji wunamwekani?

Diloñeshenu muyitoñojoka: Ilukenu nenu wubanji wamwekanaña, nawa ilukenu chimwatela kwila neyi wumwekana. Bayi musweja kukeña maheta imukwetiku. Chikuyikwasha kufuukula mwamuwahi, mukulemesha wumi wenu kubadika maheta enu. (Kut 19:16; Ms 36:9) Nawa chikuyikwasha kwiluka nenu munateli kujimbesha maheta enu nawa himukuneña nankashi neyi wubanji wunamwekani nawa munajimbeshi maheta enuku.—Ms 37:19
Diloñeshenu kuspiritu: Mukuhwelelenu Yehova nenu wukweti ñovu nawa wafwilaña kuyikwasha. (Ms 37:18) Henohu kukala kanda kumwekani, danukishenuña nenu Yehova wakwashaña ambuñidi hela chakwila napulwishi hohu ‘wumi wetu neyi chuma chinapuupiwu.’—Yer 45:5; Ms 37:23, 24.

Neyi twanukaña yuma yatushiikayi Yehova, tukumwilisha kwikala “mpwembu [yetu] mumpinji yayihuñu.”—Ms 37:39.

Nyevulu: Yibalu kufuma muvidiyo yinakwila nawu “Munadiloñeshi Dehi Henohu Wubanji Wadimwekenaña Kanda?” 1. Manakwetu nakutaña Bayibolu. 2. Makanda aSunami. 3. Manvu anvula. 4. Antu anasendi yuma yawu mudibaji.

Vumishenu VIDIYO Munadiloñeshi Dehi Henohu Wubanji Wadimwekenaña Kanda? Kuhiñahu ihulenu izaza nenu:

Yehova nateli kutukwasha ñahi mumpinji jakala?

Ñakwilu yenu
Yumanyi yitwatela kwila hakudiloñesha?

Ñakwilu yenu
Tunateli kukwasha ñahi antu adi muwubanji?

Ñakwilu yenu

8. Kudiza Bayibolu haChipompelu

(30 min.) bt kape. 9 ¶8-16

Mazu Akukunkulula (3 min.) | Kamina 57 niKulomba

a Talenu Awake! Na. 5 2017, mafu 4-6.