JULY 22-28

YUMA YALEMA YAMWIZU DANZAMBI

1. Yehova Wasendaña Chisenda Chetu Hefuku-Hefuku

(10 min.)

Yehova watiyililaña kukulomba kwetu nawa waakulaña (Ms 66:19; w23.05 12 ¶15)

Yehova wanyakalaña kukwasha antu abula wakuyikwasha (Ms 68:5; w10 12/1 23 ¶6; w09 4/1 31 ¶1)

Yehova watukwashaña mafuku ejima (Ms 68:19; w23.01 19 ¶17)

Nyevulu: Muhela nakulomba ifuku dejima. 1. Nantetemena hakuhinduka mukadidi. 2. Nawanyanindi henohu kanda ayi kushikola. 3. Nikumudimu.

LWIHU LWAKUTOÑOJOKAHU: Tunateli kumwiteja ñahi Yehova kusenda chisenda chetu?

2. Yuma Yalema yakuSpiritu

(10 min.)

Ms 68:18—Mumafuku awaIsarela akunyima, anyi adiña “amayala ekalili yawaana”? (w06 6/1 10 ¶5)

Ñakwilu yenu
Yumanyi yalema yakuspiritu yimwawana mukutaña Bayibolu onu mulungu yimukutuleja?

Ñakwilu yenu

3. Kutaña Bayibolu

(4 min.) Ms 66:1-20 (th kudiza 11)

SHENU MUCHIMA HAMUDIMU WAKUSHIMWINA

4. Tachikenu Kuhanjeka

(3 min.) KWITALA NIITALA. Mwiniitala nkulilu yindi yambukaku nayenu. (lmd kudiza 5 chikuma 3)

5. Funtilenuku

(4 min.) KWITALA NIITALA. Twalekenuhu kuhanjeka nindi mutilakiti yimwashili hampinji yimwenjiliku. (lmd kudiza 9 chikuma 3)

6. Kwilisha Atumbanji

(5 min.) lff kudiza 15 ntachikilu nichikuma 1-3 (th kudiza 8)

CHATELA KUSHAKAMAWU AKAKRISTU

7. Munateli Kupeleshaku Chisenda Chamukwenu?

(15 min.) Kuhanjeka.

Kwosi niwumu hadi ambuña aNzambi watela kumonaña kukala nkawindiku. (2Ku 20:15; Ms 127:1) Yehova diyi Nkwashi yetu. (Isa 41:10) Njilanyi mwatukwashilañayi Yehova? Watulombolaña kuhitila Mwizu dindi nimukuloñesha. (Isa 48:17) Watwinkaña ñovu jindi jabadika spiritu yindi yajila. (Luk 11:13) Wazatishaña cheñi amanakwetu niahela kulonda atukolesheña nikutukwasha. (2Ko 7:6) Chumichi chinayi mukwila nawu Yehova nateli kuzatisha wudi wejima hakachi ketu kulonda apeleshiku chisenda chamukwetu mukaKristu.

Mwevulu wunafumi mukachibalu kavidiyo yinakwila nawu “Mwekeshenuña Kukeña Kwabulaña Kumana Muchipompelu—Keñenu Atushinakaji.” Muhela Paulina Sántiz Gómez natumbi chimwemweta hanemaniyi hanji yetala.

Vumishenu VIDIYO Mwekeshenuña Kukeña Kwabulaña Kumana Muchipompelu—Keñenu Atushinakaji. Kuhiñahu ihulenu izaza nenu:

Munateli kupeleshaku ñahi chisenda chamukaKristu wakula dehi?

Ñakwilu yenu

Mwevulu wunafumi mukachibalu kavidiyo yinakwila nawu “Mwekeshenuña Kukeña Kwabulaña Kumana Muchipompelu—Keñenu Adi Mumudimu waMpinji Yejima.” Joseph naAnita DeVito anakuzatila hamu mumudimu wakushimwina.

Vumishenu VIDIYO Mwekeshenuña Kukeña Kwabulaña Kumana Muchipompelu—Keñenu Adi Mumudimu waMpinji Yejima. Kuhiñahu ihulenu izaza nenu:

Munateli kupeleshaku ñahi chisenda chamuntu wudi mumudimu wampinji yejima?

Ñakwilu yenu

Mwevulu wunafumi mukachibalu kavidiyo yinakwila nawu “Mwekeshenuña Kukeña Kwabulaña Kumana Muchipompelu—Keñenu Enyi.” Bill naMaggie Zeng anatumbi chimwemweta hakudizisha Bayibolu.

Vumishenu VIDIYO Mwekeshenuña Kukeña Kwabulaña Kumana Muchipompelu—Keñenu Enyi. Kuhiñahu ihulenu izaza nenu:

Munateli kupeleshaku ñahi chisenda chawantu anakuhita mukweseka kweneni?

Ñakwilu yenu

8. Kudiza Bayibolu haChipompelu

(30 min.) bt kape. 13 ¶1-7, ntachikilu yachibalu 5, nichikasha chidi hefu 103