SEPTEMBER 2-8

YUMA YALEMA YAMWIZU DANZAMBI

1. Mwekeshenu Nenu Mwakeña Ijina daYehova Dajila

(10 min.)

Bayi mwila yuma yikuleta kasawuntu hejina daYehovaku (Ms 79:9; w17.02 9 ¶5)

Tambikenu hejina daYehova (Ms 80:18; ijwbv 3 ¶4-5)

Yehova wakiswilaña antu amwekeshaña nawu akeña ijina dindi kuhitila mukumwovwahila (Ms 81:13, 16)

Manakwetu nakwinka mukwawu mwazatilañawu kaadi ya jw.org hampinji yakunooka. — Hakwila yuma yitwelaña yihaneña mpuhu hejina daYehova, twatela kulejaña antu netu tudi aYinsahu

2. Yuma Yalema yakuSpiritu

(10 min.)

Ms 80:1—Muloñadi ijina daYosefu chadizatishilileñawu hakutena nyichidi yaIsarela mpinji yikwawu? (it-2 111)

Ñakwilu yenu
Yumanyi yalema yakuspiritu yimwawana mukutaña Bayibolu onu mulungu yimukutuleja?

Ñakwilu yenu

3. Kutaña Bayibolu

(4 min.) Ms 79:1–80:7 (th kudiza 10)

SHENU MUCHIMA HAMUDIMU WAKUSHIMWINA

4. Tachikenu Kuhanjeka

(1 min.) KWITALA NIITALA. Tachikenu kudiza Bayibolu. (lmd kudiza 4 chikuma 4)

5. Tachikenu Kuhanjeka

(3 min.) KUSHIMWINA WUNSAHU WAMUMPANJI. Tachikenu kudiza Bayibolu. (lmd kudiza 4 chikuma 3)

6. Tachikenu Kuhanjeka

(2 min.) KUSHIMWINA KUDI ANTU AMAVULU. Tachikenu kudiza Bayibolu. (lmd kudiza 3 chikuma 3)

7. Funtilenuku

(5 min.) KWITALA NIITALA. Tachikenu kudiza namuntu wamwekesheli mpwila wakaanini kudiza hakusambila. (lmd kudiza 8 chikuma 3)

CHATELA KUSHAKAMAWU AKAKRISTU

8. “Akajilika Ijina Dami”

(15 min.) Kuhanjeka.

Satana watachikili kuhosha makudi hejina daYehova mwitempa daEdeni. Kufuma tuhu hayina mpinji, yileñaleña yejima yafuukulañahu kuhakwilaku ijina daYehova hela nehi.

Toñojokenu hanawa makudi atama antesha ahosheliyi Satana hadi Yehova. Wamutwambilili nindi wekala wazuwa nawa hinyuuli wabula kukeña. (Kut 3:1-6; Yob 4:18, 19) Wahoshaña nindi antu adifukulaña kudi Yehova amukeña wanyi. (Yob 2:4, 5) Nawa wakojejaña antu amavulu kukuhwelela nawu Yehova hidiyi Nleñi wakanu kaayi kalubanjiku.—Rom 1:20, 21.

Mwatiyaña ñahi nanawa makudi? Chakadi nikujina, akuyiletesha mwimani nakumuhakwilaku Yehova! Welukili nindi antu jindi akukeñaña kujilika ijina dindi. (Esekejenu Isaya 29:23.) Munateli kukwashana ñahi?

Kwashenu Antu Amwiluki Yehova niKumukeña. (Ywn 17:25, 26) Ikalenu adiloñesha kushimuna wunsahu wunakumwekesha nawu wakela kwoku nawa nikuleja antu hayilwilu yindi yakuhayamisha.—Isa 63:7
Mukeñenu Yehova naMuchima Wenu Wejima. (Mat 22:37, 38) Ovwahilenu nshimbi jaYehova bayi neyi muloña wakwila mwajikeñaku, ilaña muloña wakwila munakukeña kumuzañalesha Yehova.—Yis 27:11

Nyevulu: Chibalu chinafumishiwu muvidiyo yinakwila nawu “Kukeña Hikwamanañaku Hela Chakwila . . . Twatañilaña haShikola Habulaña Kumwekeshawu Kukeña.” 1. Ariel nashakami hadesiki iku kansi weyala wudi mukilasi yawu nakumwinyika nawa nakumwihula chabulilañayi kubuzwila mpandela. 2. Nazatishi Bayibolu nikudiza 61 mumukanda “waYuma Yimunateli Kudiza muBayibolu” hakudiza kwahalwindi. 3. Nemani kumbidi mukilasi yawu nakulumbulula. 4. Diego anakumwinka makanya nawu yapepi kumu mukwawu mwatañilañawu. 5. Nazatishi chozelu hakusandujola. 6. Nakufuma hashikola iku natumbi chimwemweta.

Vumishenu VIDIYO Kukeña Hikwamanañaku Hela Chakwila . . . Twatañilaña haShikola Habulaña Kumwekeshawu Kukeña. Kuhiñahu ihulenu izaza nenu:

Ariel niDiego ahakwilaku ñahi ijina daYehova?

Ñakwilu yenu
Chumanyi chayiletesha kumuhakwilaku Yehova?

Ñakwilu yenu
Munateli kuyimbujola ñahi?

Ñakwilu yenu

9. Kudiza Bayibolu haChipompelu

(30 min.) bt kape. 15 ¶1-7, nintachikilu yachibalu 6